• Pišin tli adresa. Ako mislinea kaj nane mudro te pišine tli adresa, puč e starešinen dali šaj te pišine i adresa tari dvorana hem te pišine tlo anav hem prezime. Ama, NIKOGAŠ na valjani te koristine i adresa tari podružnica sar adresa ki koja so ka iranel pe o pismo.

• Ako džanea e stanareskoro anav, tegani pišin le. Agjaar ka haljol kaj na kerela pe lafi baši nesavi reklama, nego kaj o pismo tano lično leske.

• Pazin ko pravopis, ki gramatika hem ko interpunkciska znakija. O pismo valjani te izgledinel uredno. Ako pišinea le vastea, tegani valjani te pišine agjaar so ka šaj te čitinel pe lokhe. Na valjani te izrazine tut but oficijalno, ama ni but neformalno.

Ko akava pismo tano pazimo ko bukja soj spomnime poupre. Ov tano dendo samo sar primer, hem i cel nane te prepišinel pe sekova lafi keda mangea nekaske te svedočine. Sekogaš keda pišinea pismo, ma bistre so mangea adalea te kere, hem isto agjaar le ko predvid o okolnostija hem i kultura e manušengiri.