O Jehova, „o bahtalo Devel“, mangela te uživina ki služba (1Ti 1:11). Ka ova pobahtale ako trudinaja amen te ova sa pošukar ki služba. O pučiba šaj te pomožinen amenge te počmina jekh razgovor hem te bajrara o interes ko javera. Isto agjaar, o pučiba pottikninena e manušen te razmislinen hem te aven dži ko logično zaklučok (Mt 22:41-45). Keda pučaja nekas pučibe hem palo adava šunaja leskoro odgovor, amen indirektno vakeraja leske: „Tlo mislenje tano mange važno“ (Jk 1:19). Leskoro odgovor šaj te pomožinel amenge te odlučina sar te prodolžina o razgovor.

DIKH O VIDEOKLIPI OV BAHTALO DŽIKOTE KEREA UČENIKIJA — KER POŠUKAR I SLUŽBA: KORISTIN PUČIBA, A PALO ADAVA ODGOVORIN KO AKALA PUČIBA:

• Save šuže osobine sikavgja i Džejd?

• Sar koristingja i Nita pučiba te šaj te sikavel lično interes?

• Sar koristingja i Nita pučiba te šaj te bajrarel e Džejdakoro interes bašo šukar haberi?

• Sar koristingja i Nita pučiba te šaj te pomožinel e Džejdake te razmislinel hem te avel dži ko logično zaklučok?