Isi amen štar videoklipija so kerena lafi bašo biblisko kursi kola so šaj te koristina len ki služba. Koja tani i cel taro sekova jekh?

• Soske te sikljove tari Biblija? kerdo tano te pomožinel e manušenge te interesinen pe baši Biblija bizi razlika ki savi religija tane. Ohrabrinela len te roden ki Biblija o odgovorija bašo najvažna pučiba ko životo hem dela primer kaj ki late šaj te arakha logična informacie. Objasninela sar te rodel pe biblisko kursi.

• Soske te sikljove tari Biblija? (kratko verzija) tano isto sar o prethodno videoklipi ama tano pokratko. Šaj te koristinel pe ko podračje kote so o manuša nane len but vreme te keren lafi.

• Sar šaj te sikljove tari Biblija? kerdo tano te pottikninel nekas te proučinel i Biblija besplatno hem dela odgovorija ko nesave pučiba bašo biblisko kursi.

• Šukar aljan ko tlo biblisko kursi kerdo tano te sikavel pe e interesenteske. Akava videoklipi arakhljola ki dujto strana taro lil Ov bahtalo zasekogaš, ama šaj te sikava le e interesenteske hem džikote proučinela i brošura Ov bahtalo zasekogaš. Ko akava klipi spomnime tane nesave teme taro lil, objasninela sar vodinela pe o biblisko kursi hem savi korist ka ovel e interesente.

Iako sekova klipi isi le posebno cel, šaj te sikavel pe ili te bičhalel pe e manušenge keda tano soodvetno. O objavitelija tane ohrabrime šukar te zapoznajnen pe akale videoklipencar te šaj šukar te koristinen len ki služba.