1-7 april
PSALMI 23 — 25
Gili 4 hem molitva | Uvodna lafija (1 min.)
1. „O Jehova tano mlo Pastiri“
(10 min.)
O Jehova vodinela amen (Ps 23:1-3; w11-MC 1/5 31, pas. 3)
O Jehova zaštitinela amen (Ps 23:4; w11-MC 1/5 31, pas. 4)
O Jehova hraninela amen (Ps 23:5; w11-MC 1/5 31, pas. 5)
O Jehova grižinela pe ple slugenge isto sar so jekh pastiri mangipaja grižinela pe ple bakhrenge.
PUČ TUT: „Sar o Jehova lično mange grižinela pe?“
2. Duhovna biserija
(10 min.)
Ps 23:3 — So značinena o lafija „pravedna pateke“, hem so ka pomožinel amen te na cida amen lendar? (w11-MC 15/2 24, pas. 1-3)
Kola duhovna biserija taro čitibe i Biblija akale kurkeske mangea te vakere len?
3. Čitibe i Biblija
(4 min.) Ps 23:1 — 24:10 (th lekcija 5)
4. Te počmina razgovorija
(3 min.) NEFORMALNO SVEDOČIBE. Čitin ohrabruvačko biblisko stiho e manušeske kova so vakergja tuke kaj tano sekirimo adaleske so o manuša uništinena i phuv. (lmd lekcija 2, točka 5)
5. Te kera povtorna posete
(4 min.) TARO KHER KO KHER. Sikav sar izgledinela jekh biblisko kursi nekaske so lelja i brošura Ov bahtalo zasekogaš. (lmd lekcija 9, točka 3)
6. Te vodina bibliska kursija
(5 min.) lff lekcija 14, točka 4 (lmd lekcija 11, točka 3)
Gili 54
7. Naš taro e jabandžiengoro glaso
(15 min.) Diskusija.
O bakhre pendžarena o glaso ple pastireskoro hem džana pali leste. Tari javer strana, ola našena taro glaso e jabandžijaskoro so na pendžarena le (Jvn 10:5). Slično, amen da šunaja o glaso amare duhovna pastirengoro, e Jehovaskoro hem e Isuseskoro, kola so but mangena amen hem šaj te ovel amen doverba ki lende (Ps 23:1; Jvn 10:11). Ama, na šunaja o glaso e jabandžiengoro kola so koristinena „hovavne lafija“ te šaj te slabonkeren amari vera (2Pe 2:1, 3).
Ki 1. Mojseeva poglavje 3 tani pišimi i situacija keda prvo puti ki phuv sine šundo o glaso jekhe jabandžijaskoro. O Satana na vakergja e Evake koj tano čače ov hem agjaar hovavgja la. Ov kergja pe kaj tano lake amal hem prevrtingja e Jehovaskere lafija hem o motivija. Žalno tano so i Eva šungja le hem adava angja bare posledice lake hem lakere familijake.
Avdive, o Satana probinela te kerel te sumnina amen ko Jehova hem ki leskiri organizacija agjaar so širinela negativna izveštaija, informacie so samo nešto tane točna hem hovajba. Keda ka šuna o glaso nesave jabandžijaskoro valjani te naša. Ako šunaja adava glaso čak samo hari tari radoznalost, adava tano opasno. Na valjangje but lafija e Satanaske te šaj te hovavel e Eva (1Mo 3:1, 4, 5). A so ako nekoj so pendžaraja le, nekoj so mangela amen hem isi le šukar namere, mangela te vakerel amenge nešto negativno baši e Jehovaskiri organizacija?
Mukh o VIDEOKLIPI Naš taro e jabandžiengoro glaso. Palo adava puč:
So sikljovaja taro adava sar i Džejd postapingja ple dajaja, koja so mangela sine te vakerel negativna bukja baši e Jehovaskiri organizacija?
8. Sobranisko proučibe i Biblija
(30 min.) bt-MC pogl. 8, pas. 1-4 hem o ramke ko str. 61-62
