Kola osobine bi mangea te ovel nekas keda birinea te ovel tlo amal? Verojatno mangea te ovel verno, obzirno hem darežlivo. E Jehova isi le sa akala osobine (2Mo 34:6; De 14:17). Ov šunela tut keda molinea tut leske. Ov pružinela tuke plo vas keda valjani tuke pomoš (Ps 18:19, 35). Ov prostinela tuke keda grešinea (1Jo 1:9). O Jehova čače tano o najšukar amal!

Sar šaj te ove e Jehovaskoro amal? Zapoznajn le pošukar agjaar so ka čitine leskoro lafi. Ker lea lafi bašo tle najhor misle hem čuvstvija (Ps 62:8; 142:2). Sikav e Jehovaske kaj važna tuke o bukja soj tane leske važna — leskoro Čhavo, leskoro Carstvo hem leskere vetuvanja so dengja len baši idnina. Ker e javerencar lafi bašo Jehova (5Mo 32:3). Ako ovea sa popaše e Jehovaja, ov ka ovel tlo amal zasekogaš (Ps 73:25, 26, 28).

DIKH O VIDEOKLIPI TERNALEN, „PROBINEN HEM DIKHEN KOBOR TANO ŠUKAR O JEHOVA“, A PALO ADAVA ODGOVORIN KO AKALA PUČIBA:

• So šaj te pomožinel tuke te de lafi e Jehovaske kaj ka služine leske hem te krstine tut?

• Sar o javera taro sobranie šaj te pomožinen tut te služine e Jehovaske?

• Sar o propovedibe pomožinela tuke te ove popaše e Jehovaja?

• Save zadače šaj te kere ki služba bašo Jehova?

• So ceninea ko Jehova?