TE DŽIVDINA SAR HRISTIJANJA
Ker pošukar i služba — pottiknin e interesenten te aven ko sostanokija
SOSKE TANO VAŽNO: Ko sekova sostanok šaj te giljava e Jehovaske hem te falina le (Ps 149:1). Ki lende sikljovaja sar te kera leskiri volja (Ps 143:10). Obično, o interesentija but posigate napredujnena keda počminena te aven ko sostanokija.
SAR TE KERA ADAVA:
-
De le pokana kozom so šaj posigate. Na valjani te adžikere prvo te počmine lea biblisko kursi (Ot 22:17).
-
Objasnin e interesenteske sar izgledinena amare sostanokija hem bašo so ka kerel pe lafi ko javer sostanok. Šaj te koristine i pokana bašo sostanokija, o videoklipi So kerela pe ki e Jehovaskere svedokongiri dvorana? ili i 5 hem i 7 lekcija tari brošura Jehovaskiri volja.
-
Nudin tu baši pomoš. Šaj nesave interesenteske ka valjani prevoz ili pomoš te birinel soodvetna šeja. Ko sostanok beš uzi leste hem zaedno dikhen taro tle publikacie. Zapoznajn le javerencar.