2-8 septemvri
PSALMI 79 — 81
Gili 29 hem molitva | Uvodna lafija (1 min.)
1. Sikav kaj mangea e Jehovaskoro slavno anav
(10 min.)
Ma ker nešto so ka anel ladž e Jehovaskere anaveske (Ps 79:9; w17.02 10, pas. 5)
Vikin e Jehovaskoro anav (Ps 80:18; jd-MC 187, pas. 19)
O Jehova but blagoslovinela okolen soj tane poslušna hem adalea sikavena mangipe sprema leskoro anav (Ps 81:13, 16)
2. Duhovna biserija
(10 min.)
-
Ps 80:1 — Soske koristinela pe sine ponekogaš e Josifeskoro anav keda kerela pe sine lafi bašo sa o plemija ko Izrael? (it-2-E 111)
-
Kola duhovna biserija taro čitibe i Biblija akale kurkeske mangea te vakere len?
3. Čitibe i Biblija
(4 min.) Ps 79:1 — 80:7 (th lekcija 10)
4. Te počmina razgovorija
(1 min.) TARO KHER KO KHER. Nudin biblisko kursi. (lmd lekcija 4: točka 4)
5. Te počmina razgovorija
(3 min.) NEFORMALNO SVEDOČIBE. Nudin biblisko kursi. (lmd lekcija 4: točka 3)
6. Te počmina razgovorija
(2 min.) SVEDOČIBE KO JAVNA THANA. Nudin biblisko kursi. (lmd lekcija 3: točka 3)
7. Te kera povtorna posete
(5 min.) TARO KHER KO KHER. Nudin biblisko kursi nekaske so angleder vakergja kaj na mangela te proučinel. (lmd lekcija 8: točka 3)
Gili 10
8. „Ola ka falinen mlo sveto anav“
(15 min.) Diskusija.
O Satana kaljargja e Jehovaskoro anav ki gradina Eden. Ottegani, i najvažno odluka so valjani te anen sa o intelegentna suštestvija tani te braninel pe e Jehovaskoro sveto anav.
Razmislin samo bašo nesave bare hovajba so vakergja o Satana bašo Jehova. Ov vakerela kaj o Jehova sar Vladeteli postapinela grubo hem surovo tano e manušencar (1Mo 3:1-6; Jov 4:18, 19). Isto agjaar vakerela kaj e Devleskere sluge na mangena čače e Jehova (Jov 2:4, 5). Ov uspejngja te čhivel milionija manušen te verujnen kaj o Jehova na stvoringja sa okolu amende (Ri 1:20, 21).
Sar osetinea tut bašo akala hovajba? Sigurno mangea te branine e Jehova! Ov džanlja kaj leskoro narodo ka mangel te pomožinel te falinel pe leskoro sveto anav. (Sporedin Isaija 29:23.) So šaj tu te kere?
-
Pomožin e javerenge te pendžaren hem te mangen e Jehova (Jvn 17:25, 26). Ov spremno te sikave dokazija kaj ov postojnela hem te sikave e javeren bašo leskere but šuže osobine (Isa 63:7).
-
Mang e Jehova sa tle vilea (Mt 22:37, 38). Šun e Jehovaskere zapovedija na samo adaleske soj tane bašo tlo šukaripe nego hem adaleske so mangea te radujne e Jehova (Iz 27:11).
Mukh o VIDEOKLIPI O mangipe nikogaš na čhinavgjola, čak... ako isi tut štetno vlijanie ki škola. Palo adava puč:
-
Sar i Ariel hem o Diego braningje e Jehovaskoro anav?
-
So pottikningja len te ačhoven ki e Jehovaskiri strana?
-
Sar šaj te dža palo lengoro primer?
9. Sobranisko proučibe i Biblija
(30 min.) bt-MC pogl. 15, pas. 1-7 hem uvod bašo šovto delo