Ko e beršeskoro sostanok taro Watch Tower Bi­ble and Tract Society of Pennsylvania so sine ikerdo ko 5 oktomvri, 2024 berš, sine izvestimo kaj te šaj nekoj te pomožinel ko Betel ili ko gradibe na valjani više te oven le najhari 19 berš, nego šaj te počminel taro 18 berš. Isto agjaar, te šaj nekoj te džal ki Škola bašo polnovremena objavitelija valjani sine te oven le najhari 23 berš, a akana šaj te džal taro 21 berš.

Akala promene važinena odma. Ola phravena neve prilike e terne phralenge hem phenjenge te keren poviše ki služba bašo Jehova.