„Благословинен е Йеховас туме, лескере ангеля, мощна тай зорале.“ (Псалм 103:20)

Со жанас е ангеленге?

• Йов 38:4–7

  О Йехова кергяс е ангелен, англал те керел и пхув.

• Откровение 5:11

  Иси милионя ангеля.

• 1 Петър 1:11, 12

  О ангеля винаги интересувиненас пес далкхестар со мангел те керел о Дел ки пхув.

• Лука 15:10

  О ангеля бут интересувинен пес околендар, колато служинен е Девлеске.

„Е Йеховаскоро ангели пазинел околен, колато даран таро Дел, тай спасинел лен.“ (Псалм 34:7)

Катар жанас, кай о ангеля помагинен е манушенге?

• Битие 19:15, 16; Даниил 6:22; Лука 22:43; Деяния 12:6–11

  Ангеля помагинде е Лотеске, е Даниилеске, е Исусеске тай е Петреске.

• Евреи 1:7, 14

  О Йехова използвинел пе ангелен, за те помагинел пе служителенге авдиес тай те пазинел лен.

„Те на хохавгьовас таро Бенг, соскето жанас со мангел те керел.“ (2 Коринтяни 2:11)

Кола си о демоня тай соске си опасна?

• Откровение 12:9

  Йекх ангели ухтинило мамуй о Дел. Ов пхенел пес Сатана.

• Битие 6:2

  Е Нойескере диесенде десаве ангеля ухтиниле мамуй о Дел тай але ки пхув.

• Матей 9:34

  Далкха ангеля лиле е Бенгескери риг тай ачшиле демоня.

• Второзаконие 18:10, 11

  О демоня керен всичко со ащи, за те хохавен е манушен тай те керен ленге кханилипе.

„Ачшовен мамуй о Бенг тай ов ка нашел тумендар.“ (Яков 4:7)

Сар ащи те получинес помощ таро Йехова, за те ачшос мамуй о Бенг тай о демоня?

• Деяния 19:19

  Чшив саворе букя, колато си свържиме е демониенца тай е магияса, далкха–да, колато керен лен те дикхьон сар варесо шукар.

• Ефесяни 6:16, 18

  Изучине и Библия, за те барярес ти вяра тай молине тут е Девлеске те пазинел тут.

• Притчи 18:10

  Използвине е Йеховаскоро алав.