11. Соске иси зомкха бут страдания?
1 О СТРАДАНИЯ НАНАЙ ТАРО ЙЕХОВА
„Нащи о истинско Дел те керел кханилипе тай о Всемогъщо те овел несправедливо!“ (Йов 34:10)
Соске иси зомкха бут страдания андо светос?
1 Йоан 5:19
О Бенг командинел о светос.
Еклисиаст 8:9
О мануша керен околен те страдинен.
Еклисиаст 9:11
Подекхана о мануша страдинен, соскето аракхльовен ко погрешно тхан, ко погрешно моменти.
1 Петър 5:7
О Йехова бут дехел е манушен. Леске си пхаро те дикхел, кай страдинен.
2 О БЕНГ ПХЕНГЯС, КАЙ Е ЙЕХОВАС НАНАЙ ПРАВО ТЕ УПРАВЛИНЕЛ
„О Дел жанел, кай ... тумаре якха ка путергьон тай ка ачшовен сар о Дел — ка жанен со си лачшипе тай со си кханилипе.“ (Битие 3:5)
Соске о Йехова на мударгяс веднага е Бенгес?
Битие 3:2–5
О Бенг пхенгяс, кай о Дел си кханило владетели. О Бенг мангелас о мануша те мислинен, кай иси лен право те решинен коркоре со си лачшипе тай со си кханилипе. О Дел мукляс те накхел време, те ащи саворе те ахальовен, кай о Бенг хохавгяс.
Йов 38:7
Милионя ангеля шунде, кана о Бенг пхенгяс, кай о Дел си кханило владетели.
3 ДАВКХА СО ПХЕНГЯС О БЕНГ СИ ХОХАЙБЕ
„Е манушескоро дром нанай лескере вастенде. Даже мануш нащи те решинел кате те жал.“ (Йеремия 10:23)
Соске о мануша страдинен зомкха бут време?
Исаия 55:9
Е манушен сине различна управления, ама он нащи те управлинен пес успешно би е Девлескоро.
2 Петър 3:9, 10
О Йехова си търпеливо тай мукляс те накхел време, за те пенжарас лес тай те избиринас лес те овел амаро Владетели.
1 Йоан 3:8
О Йехова ка използвинел е Исусес те поправинел саворе кханиле букя, колато кергяс о Бенг.
4 ИЗПОЛЗВИНЕ ТИ СВОБОДНО ВОЛЯ, ЗА ТЕ СЛУЖИНЕС Е ЙЕХОВАСКЕ
„Мо чшо, ов гогявер ... за те ащи те отговоринав околеске, ковато марел манге муй.“ (Притчи 27:11)
Соске о Йехова на традел амен зорле те служинас леске?
Притчи 30:24
Е животнонен иси инстинкти — он нащи те решинен коркоре со те керен. Ама о Йехова диняс амен свободно воля. Аме ащи те решинас дали те служинас е Йеховаске или на–а.
-
О Йехова мангел те служинас леске соскето дехас лес.