„Шунен мо гласос тай ме ка ачшовав тумаро Дел, а туме ка ачшовен моро народос.“ (Йеремия 7:23)

Ащи ли те ачшовес е Девлескоро амал?

• Битие 22:18; Яков 2:23

  О Авраам ачшило е Йеховаскоро амал, соскето шунелас е Девлес тай верувинелас лесте.

• 2 Летописи 16:9

  О Йехова помагинел околенге, колато шунен лес.

• Псалм 25:14; 32:8

  О Йехова дел мъдрост пе амален.

• Псалм 55:22

  О Йехова подкрепинел пе амален.

„Саворе далкхе букиенде, о Йов на грешингяс тай на пхенгяс варесо кханило е Девлеске.“ (Йов 1:22)

Саво кханилипе кергяс о Бенг е Йовеске, тай со кергяс о Йов?

• Йов 1:10, 11

  О Бенг пхенгяс, кай о Йов мислинел само песке тай на дехел е Девлес.

• Йов 1:12–19; 2:7

  О Йехова домукляс о Бенг те лел всичко со сине е Йовес тай даже те чшиел упрал лесте кханило насвалипе.

• Йов 27:5

  О Йов на жанелас соске страдинел зомкха бут, ама ачшило верно.

„Мануш ка дел всичко со иси лес пере животоске.“ (Йов 2:4)

Сар о Бенг опитинел пес те аравел амаро амалипе е Йеховаса?

• 2 Коринтяни 11:14

  О Бенг опитинел пес те хохавел амен те на шунас е Девлес.

• Притчи 24:10

  Ов мангел те мислинас, кай на синям достойна те служинас е Йеховаске.

• 1 Петър 5:8

  О Бенг преследвинел амен.

• Притчи 27:11

  Избирине те шунес е Йеховас тай ов лескоро верно амал. Чука ка сикавес, кай о Бенг си хохавно.

„Давкха означинел о дехиба карик о Дел — те керас давкха со мангел амендар.“ (1 Йоан 5:3)

Сар ащи те ачшовес е Йеховаскоро амал?

• Второзаконие 6:5

  Дехе е Девлес. Давкха ка помагинел туке те шунес лес.

• Исаия 48:17, 18

  Шун е Йеховас. Давкха винаги ка овел тере лачшипнаске.

• Второзаконие 30:11–14

  Ов сигурно, кай о Йехова нисар нанай те мангел тутар варесо, ковато нащи те керес.

• Филипяни 4:13

  Кер со си правилно тай о Йехова ка дел тут о зоралипе, ковато требел туке.