„Адалкхеске перав кочиенде англал о Дад, соскето ов кергяс те овел секо семейство ко небес тай ки пхув.“ (Ефесяни 3:14, 15)

Сар ащи те овел тут щастливо семейство?

• Битие 1:26–28

  О Йехова кергяс о първо семейство.

• Ефесяни 5:1, 2

  За те овел амен щастливо семейство, требе те овас сар о Йехова тай сар о Исусес.

„Секо йекх тумендар требе те дехел пе ромня ... И ромни требе те уважинел бут пе ромес.“ (Ефесяни 5:33)

Сар о ром тай и ромни требе те икерен пес йекх карик авересте?

• Ефесяни 5:22–29

  О ром си отговорно пе семействоске. Ов требе те дехел пе ромня, а ой требе те подкрепинел лескере решения.

• Колосяни 3:19; 1 Петър 3:4

  Он требе те икерен пес мило тай внимателно йекх карик авересте.

• 1 Петър 3:1, 2, 7

  О ром тай и ромни требе те уважинен йекх аверес.

• 1 Тимотей 5:8; Тит 2:4, 5

  О ром требе те дикхел пе семействоске. И ромни требе те дикхел пе кхереске тай е семействоске.

„Ма холянкярен тумаре чшавен, ама ден лен годи тай сикавен лен чука, сарто пхенел о Йехова.“ (Ефесяни 6:4)

Со требе те керен о дад тай и дай?

• Второзаконие 6:4–9; Притчи 22:6

  Требе те аракхен време те сикавен тумаре чшавен е Йеховаске. Панда от цикнярла, помагинен търпеливо секоне йекхеске лендар те ачшол е Йеховаскоро амал.

• 1 Петър 5:8

  Сикавен тумаре чшавен те пазинен пес таро сексуално малтретиране тай авере опасноскиендар.

• Йеремия 30:11; Евреи 12:9–11

  Требе те възпитинен тай те поправинен тумаре чшавен, ама на требе те керен давкха грубо или кана синьен нервериме.

„Чшавален, шунен тумаре даден тай тумаре дайен.“ (Ефесяни 6:1)

Чшавален, соске требе те шунен тумаре даден тай тумаре дайен?

• Притчи 23:22–25; Колосяни 3:20

  Тумаро послушание ка лошанкярел е Йеховас, тай също тумаре даден тай тумаре дайен.

• 1 Коринтяни 15:33

  Роден амален, колато дехен е Йеховас. Чука ка овел туменге по–локо те керен давкха со си правилно.