15. Сар мангел о Дел те служинас леске
1 САР ТЕ АХАЛЬОВАС КОЯ СИ И ИСТИНСКО РЕЛИГИЯ
„Танг си и порта тай танг си о дром, ковато ингалел жи ко животос, тай хари мануша аракхен лес.“ (Матей 7:14)
Катар жанас, кай о Дел на приеминел саворе религиес?
-
О Дел на приеминел саворе религиес. На керен саворе религиес е Девлескери воля.
-
И истинско религия ингалел жи ко вечно животос. И хохавни религия ингалел жи ко вечно унищожение.
-
Ащи те ахальовес коя си и истинско религия, далкхестар со керел. Нанай нужда те изучинес саворе религиес, а само давкха со сикавел и Библия.
2 САР МАНГЕЛ О ДЕЛ ТЕ СЛУЖИНАС ЛЕСКЕ
1 Солунци 2:13; 2 Тимотей 3:16, 17
Верувине само далкхесте со сикавел и Библия, тай сикав околен–да далкхесте.
Матей 4:10; Йоан 17:6
Служине е Йеховаске тай използвине лескоро алав.
Йоан 13:35
Дехе истински околен.
Йоан 3:36; Деяния 4:12
Шун е Исусес. Чрез лесте о Дел спасинел амен.
Йоан 18:36; Деяния 5:29
Ма занимавине тут политикаса.
-
Сикав околен, кай само е Девлескоро Тхагарипе ащи те решинел амаре проблемя.
3 КЕР ДАВКХА СО СИКЛЬОВЕС ТАРИ БИБЛИЯ
Со требе те керес, за те служинес е Девлеске сарто ов мангел?
Яков 2:19
На ресел само те верувинес ко Дел. Требе те керес давкха со пхенел ов анди Библия.
Исаия 52:11; Откровение 17:5
И хохавни религия, или „о Баро Вавилон“, сикавел е манушен те служинен е Девлеске ма сарто ов мангел. Десаве хохавне учения си, кай о Дел си Тройца, кай и душа на мерел тай кай о мануша тхабльон андо ади.
Откровение 18:4, 8
Сиго о Йехова ка унищожинел саворе хохавне религиес. Требе те отчшиес всичко, ковато си свържиме е хохавне религияса.
-
Десаве мануша ащи те манген те спиринен тут те служинес е Йеховаске, ама о Йехова ка овел туса.