„Дикх, атхе иси пани, со спиринел ман те покръстина ман?“ (Деяния 8:36)

Соске тай сар требе те покръстинес тут?

О покръстване сикавел, кай муклян то пурано животос тай започнингян нево животос, за те керес е Девлескери воля.

• Матей 28:19, 20

  За те служинес е Йеховаске, требе те покръстинес тут.

• Псалм 40:8

  О покръстване сикавел околенге, кай мангес те служинес е Девлеске.

• Матей 3:16

  Требе те овес цело телал о пани, сарто уло о Исусес.

„Давкха означинел о дехиба карик о Дел — те керас давкха со мангел амендар, а давкха со мангел амендар нанай пхаро.“ (1 Йоан 5:3)

Соске на требе те дарас те отдес тут е Йеховаске?

• Псалм 103:14; Исаия 41:10

  Нанай нужда те овес съвършено, за те отдес тут е Йеховаске. Ов ка помагинел туке те керес давкха со си правилно.

• Колосяни 1:10

  То дехиба карик о Йехова ка помагинел туке те на мукес и дар, кай ка дукхавес лес, те спиринел тут.

„Бут лошанав, Девла, те керав тери воля тай то закони си хор анде манде.“ (Псалм 40:8)

Со требе те керес, за те отдес тут е Йеховаске?

• Йоан 17:3

  ИЗУЧИНЕ Е ДЕВЛЕСКОРО СЛОВО

  Пенжар е Йеховас тай е Исусес. Кизом по–бут сикльовес ленге, зомкха по–бут ка дехес лен.

• Евреи 11:6

  БАРЯР ТИ ВЯРА

  Верувине анде Девлескере обещания тай далкхесте, кай е Исусескери жертва ащи те спасинел амен тари безех тай таро мериба.

• Деяния 3:19

  РАЗКАИНЕ ТУТ

  Давкха означинел те овес пишмани е кханиле букиенге, колато кергян.

  ПРОМЕНИНЕ ТО ЖИВОТОС

  Давкха означинел те спиринес те керес кханиле букя тай те керес давкха со си правилно.

• 1 Петър 4:2

  ОТДЕ ТО ЖИВОТОС Е ЙЕХОВАСКЕ

  Те отдес то животос е Йеховаске означинел, кай йекхе молитвате обещинес те служинес леске, тай лескери воля те овел о най–важно варесо тере животосте.