„О Дел зомкха бут дехингяс о светос, кай диняс пе единородноне Чшавес, за те ащи секой, ковато верувинел лесте, те на овел унищожиме, а те живинел вечно.“ (Йоан 3:16)

Сар о Дел сикавел, кай дехел тут?

• Псалм 91:2

  О Йехова си амаро гаравдуно тхан. Ов помагинел аменге те справинас амен амаре проблемиенца.

• Псалм 37:29

  Ов диняс амен бут шукар надежда.

• 1 Тимотей 6:12, 19

  О Дел ка дел амен вечно животос андо рай. Отхе ка овел амен мири, щастие тай съвършено састипе.

„Требе те дехес е Йеховас, тере Девлес, те целоне илеса, те целоне вогиеса тай те целоне гогяса.“ (Матей 22:37)

Со традел тут те керес е Девлескоро дехиба?

• Лука 17:12–17

  Ов благодарно саворе букиенге, колато о Дел кергяс туке.

• Матей 7:16–20

  Сикав, кай дехес е Девлес, като керес давкха со мангел ов секо диес.

• 1 Йоан 5:3

  Кер давкха со мангел о Дел тутар.

• 1 Тимотей 6:18

  Де всичко тутар те керес лачшипе околенге.

„Ачшовен анде Девлескоро дехиба.“ (Юда 21)

Со ка помагинел туке те ачшовес паше жи ко Йехова?

• 1 Солунци 5:17

  Молине тут често.

• Матей 28:19, 20; 2 Тимотей 4:2

  Де всичко тутар, за те хоратинес околенге е Девлескере Тхагарипнаске.

• Притчи 2:1–5

  Продължине те сикльовес е Йеховаске.

• Евреи 10:24, 25

  Жа ко събрания секо курко. Тере пхрала тай пхеня таро сбори ка помагинен туке те продължинес те приближинес тут жи ко Йехова.