„О цело Писание авел таро Дел.“ (2 Тимотей 3:16)

Соске и Библия си различно саворе околе лилендар?

И Библия си преведиме декхате 2600 чшибенде тай милиаргя Библиес сине отпечатиме.

Лате пишинел букя, колато на аракхльовен никхате авретхе.

• 1 Солунци 2:13

  Давкха со пишинел анди Библия си таро Дел.

• 2 Петър 1:21

  О Дел използвингяс манушен, те пишинен лескере мислес.

„О Дел ... нащи те хохавел.“ (Тит 1:2)

Соске ащи те верувинас далкхесте со пишинел анди Библия?

• Исаия 44:27–45:2

  Бут бреша англал те перел о Вавилон, и Библия пхенгяс сар ка ачшол давкха.

• 2 Тимотей 3:1–5

  Авдиес–да изпълнинен пес бут букя, колато си пишиме анди Библия.

• Числа 23:19

  Ащи те верувинас, далкхесте со пхенел и Библия, кай ка ачшол андо бъдеще.

„Ме, о Йехова, синьом торо Дел, давкха, ковато сикавел тут тере лачшипнаске.“ (Исаия 48:17)

Со сиклилян е Библияке?

• Йов 26:7; Исаия 40:22

  Кана анди Библия пишинел научна букя, ой винаги си точно.

• Числа 20:2–12

  О мануша, колато пишинде и Библия уле искрена.

• Матей 5–7

  О Исусес пхенгяс со те керас, за те овас щастлива, сар те ахальовас амен околенца, сар те молинас амен тай сар те мислинас правилно е паренге.

„Е Девлескоро Слово си живдо тай керел бути баре зоралипнаса.“ (Евреи 4:12)

Сар е Девлескоро Слово ащи те помагинел туке?

• Ащи те помагинел туке те ахальовес со мангел те керел о Дел.

• Ащи те помагинел туке те ахальовес саво мануш синян.

• Ащи те помагинел туке те ахальовес со мангел о Дел тутар.

О Дел мангел те четинес, те изучинес тай те дехес и Библия.