„Е Девлескоро Чшаво ... ало ... те дел по животос сар откупи буте манушенге.“ (Матей 20:28)

Соске требел аменге о откупи?

• Битие 3:17–19

  Кана о Адам на шунгяс е Девлес, нашалгяс поро специално амалипе е Йеховаса, по съвършено животос тай по райско кхер.

• Римляни 5:12

  Ашал далкхеске со кергяс о Адам, аме наследингям и безех тай о мериба.

• Ефесяни 1:7

  Чрез о откупи, о Йехова освободинел е манушен тари безех тай таро мериба.

„О Дел бичшалгяс пе единородноне Чшавес андо светос, за те овел амен животос чрез лесте.“ (1 Йоан 4:9)

Сар о Йехова диняс о откупи?

• Псалм 49:7, 8

  Нито йекх амендар нащи те платинел о откупи е съвършеноне животоске, ковато нашалгяс о Адам.

• Лука 1:35

  О Йехова бичшалгяс пе дехиме Чшавес ки пхув те биянгьол сар съвършено мануш.

• Римляни 3:23, 24; Евреи 9:24

  Кана уло възкресиме, о Исусес ирисайло ко небес тай диняс е Йеховас и стойност пере съвършеноне животостар сар откупи.

„Ка кхосел секо асвин ленгере якхендар, тай вече нанай те овел мериба.“ (Откровение 21:4)

Саво лачшипе анел аменге о откупи?

• 1 Йоан 1:8, 9

  Амаре безеха ащи те овен простиме.

• Евреи 9:13, 14

  Ащи те овел амен шужи съвест англал о Дел.

• Римляни 6:23

  Иси амен и надежда те живинас вечно.

• Галатяни 2:20

  Давкха баро подаръки, о откупи, сикавел, кай о Йехова тай о Исусес наистина дехен амен.

„О Дел ... диняс пе единородноне Чшавес, за те ащи секой, ковато верувинел лесте ... те живинел вечно.“ (Йоан 3:16)

Сар ащи те сикавес, кай синян благодарно е Девлескере подаръкиеске, е откупиеске?

• Йоан 17:3

  Пенжар е Йеховас тай е Исусес тай стараине тут те овес сар ленде.

• Лука 22:19

  Жа ко Възпоменание е Исусескере меримнаске секо бреш.

• Йоан 3:36; Яков 2:26

  Вместо само те пхенес, кай верувинес ко Исусес, кер давкха со сикавелас ов.