„О муле на ахальовен нищо.“ (Еклисиаст 9:5)

Со ачшол аменца кана мерас?

• Псалм 146:3, 4; Еклисиаст 9:6, 10

  Кана мерас, нащи те дикхас, нащи те шунас тай нащи те мислинас.

• Йоан 11:11–14

  О Исусес пхенгяс, кай о мериба си сар сойба.

„Таро каш далкхеске те жанел пес со си лачшипе тай со си кханилипе те на хас, соскето андо диес, кана ка хас лестар, непременно ка мерес.“ (Битие 2:17)

Соске мерас?

• Битие 3:1–6

  О Бенг хохавгяс далкхеске со ка ачшолас е Еваса ако на спазвинел е Девлескери заповед. Кана о Адам тай и Ева на шунде е Йеховас, грешинде тай ко крайос муле.

• Битие 3:19

  Кана о Адам муло, спирингяс те съществувинел.

• Римляни 5:12

  И безех си сар йекх кханило насвалипе, ковато наследингям таро Адам тай тари Ева. Саворе биянгьовас безехале тай адалкхеске мерас.

• 1 Коринтяни 15:26

  И Библия пхенел, кай о мериба си „душмани“.

„Ако мануш мерел, ка живинел ли пак? Ка жарав ... бискай на авел моро освобождение.“ (Йов 14:14)

Сар давкха, кай жанас и истина е меримнаске, освободинел амен таро хохавне учения?

• 1 Йоан 4:8

  О учение, кай иси ади, кате тхабльон о мануша, си обидно е Йеховаске. Ов нисар нанаяс те домукел о мануша те мъчинен пес чука.

• Откровение 4:11

  Бут мануша даран таро муле, адалкхеске поклонинен пес ленге, а ма е Йеховаске. О Йехова си о истинско Дел тай требе те поклонинас амен само леске.