„О последно душмани, ковато ка овел унищожиме, си о мериба.“ (1 Коринтяни 15:26)

Сар и Библия утешинел амен, кана декхой мерел?

• 2 Коринтяни 1:3, 4

  Кана декхой таро семейство или близко амал мерел, си аменге бут пхаро. Ама и Библия дел амен истинско утеха.

• Исаия 25:8; 26:19

  Е Йеховас иси и сила те премахнинел о мериба завинаги. Даже ка иринел е мулен ко животос.

„Чшайорие, пхенав туке, ухти!“ (Марко 5:41)

Соске ащи те верувинас, кай ка овел възкресение?

• Йоан 11:1–44

  О Исусес възкресингяс е Лазариес.

• Марко 5:22–24, 35–42

  О Исусес възкресингяс йекхе цикне чшая.

• Йоан 11:41, 42

  О Исусес възкресинелас е мулен, като лелас сила таро Йехова.

• Йоан 12:9–11

  Бут мануша дикхле сар о Исусес възкресинел е мулен. Даже лескере душманя жаненас, кай ов ащи те керел давкха.

„Ка викинес ман тай ме ка отговоринав туке. Бут ка мангес те дикхес давкха со кергян те вастенца.“ (Йов 14:13–15)

Кола ка овен възкресиме?

• Йоан 5:28, 29

  Саворе, колато си е Йеховаскере гогяте ка овен ириме ко животос.

• Деяния 24:15

  Ка овен възкресиме праведна тай неправедна мануша.

• Исаия 40:26

  Щом о Йехова дел пес годи сар пхенел пес секо йекх черхен, леске си лесно те помнинел всичко е манушенге, колен ка иринел ко животос.

„Жав те приготвинав тхан туменге.“ (Йоан 14:2)

Кола възкръснинен, за те живинен ко небес?

• 1 Петър 3:18

  О Исусес уло о първо мануш, ковато уло възкресиме, за те живинел ко небес.

• Лука 12:32

  О Исусес пхенгяс, кай само хари лескере ученикиендар ка овен възкресиме, за те живинен ко небес.

• Откровение 14:1

  О Йехова избирингяс 144 000, за те живинен ко небес.