„Те авел торо Тхагарипе. Те овел тери воля, сарто ко небес, чука ки пхув–да.“ (Матей 6:9–13)

Со си е Девлескоро Тхагарипе?

• Откровение 11:15

  Е Девлескоро Тхагарипе, или правителство, ка управлинел и пхув таро небес.

• 1 Тимотей 6:15

  О Исусес си о Тхагар анде Девлескоро Тхагарипе.

• Откровение 14:1, 4

  144 000 мануша ка управлинен е Исусеса таро небес.

• Евреи 4:15; 5:8

  О Исусес тай о 144 000 ахальовен амаре чувства тай амаре проблемя.

„Ка съдинел е чоре манушен праведно.“ (Исаия 11:4)

Соске си най–лачшес, о Исусес те овел Тхагар анде Девлескоро Тхагарипе?

• 1 Тимотей 6:16

  Саворе манушикане тхагара мерен, ама о Исусес нисар нанай те мерел. Саворе лачше букя, колато ка керел ов аменге, ка ачшовен вечно.

• Исаия 11:2–4

  О Исусес ащи те керел по–бут лачшипе, саворе манушикане тхагарендар. Ов си по–зорало саворе манушикане тхагарендар. Ов си справедливо тай дукхал лес е манушенге.

„О небесно Дел ка ваздел тхагарипе, ковато нисар нанай те овел унищожиме.“ (Даниил 2:44)

Со кергяс о Тхагарипе жи акана? Со ка керел андо бъдеще?

• Откровение 12:7–12

  Кана о Исусес ачшило Тхагар презал о 1914 бреш, чшивгяс е Бенгес таро небес теле ки пхув. Аке соске иси зомкха бут проблемя, дукх тай страдания ки цело пхув.

• Еклисиаст 8:9; Откровение 16:16

  Ко Армагедон, е Девлескоро Тхагарипе ка унищожинел саворе кханиле тай корумпирана манушикане правителства.

• Псалм 37:10

  О мануша, колато продължинен те керен кханилипе, ка овен унищожиме.

• Откровение 22:1–3

  Кана е Девлескоро Тхагарипе ка управлинел и пхув, никхой нанай те насвальовел или те мерел тай саворе мануша ка славинен е Девлескоро алав.