„Таро начало пхенав саво ка овел о крайос тай таро пуране времена — о букя, колато панда на ачшиле.“ (Исаия 46:10)

Со жанас е последноне диесенге?

• Даниил 7:13, 14

  О Исусес ачшило Тхагар андо небес презал о 1914 бреш.

• Матей 24:3–14

  О Исусес пхенгяс, кай ка авен пхаре диеса е манушенге.

• Откровение 12:7–9, 12

  Кана о Исусес ачшило Тхагар, хари палал далкхесте чшивгяс е Бенгес таро небес теле ки пхув. О Бенг си бут нервериме, соскето ачшол леске „хари време“, англал о Дел те унищожинел лес.

„Саво ка овел о знаки ... кай авел о крайос далкхе светоскоро?“ (Матей 24:3)

Дикхес ли сар изпълнингьон о пророчества тари Библия?

• Матей 24:7; Лука 21:11

  Нисар жи акана на уло зомкха бут войни, бокхалипе, земетресения тай насвалипе.

• 2 Тимотей 3:1–5

  О апостол Павел пхенгяс саве ка овенас о мануша андо последна диеса.

• Даниил 12:4

  Авдиес о Дел помагинел пе народоске те ахальовел и Библия по–лачшес отколкото преди.

• Матей 24:14

  И лачши новина е Тхагарипнаске проповединел пес ки цело пхув.

„Е Йеховаскоро диес авел сар чор презал и рат.“ (1 Солунци 5:2)

Щом о крайос си зомкха паше, со требе те керес?

• Йоан 17:3

  Дикх торо изучаване е Библиякоро сар варесо, ковато си бут важно.

• Евреи 10:24, 25

  Сикльов по–бут като жас ко събрания е Йеховаскере Свидетеленгере.

• Яков 4:8

  Кер о променес, колато требе тере животосте, за те приближинес тут жи ко Дел.

• Лука 21:34–36

  Ма мук нищо те овел по–важно туке, далкхестар те служинес е Йеховаске.