15 УРОКИ
Кова си о Исусес?
О Исусес си йекх таро най-известна мануша. Ама о народос жанен само лескоро алав, а на жанен саво наистина си ов тай мислинен различна букя за леске. Со пхенел и Библия е Исусеске?
1. Кова си о Исусес?
О Исусес си зорало ангели, ковато си ко небес. О Йехова кергяс първо лес, англал те керел саворе авер букя. Аке соске леске пхенел пес, кай си о „първородно“ саворе букиендар, колато кергяс о Дел. (Колосяни 1:15) И Библия пхенел, кай о Исусес си е Девлескоро „единородно Чшо“, соскето само ов си кердо директно таро Йехова. (Йоан 3:16) О Исусес керелас бути пе Дадеса, като помагинелас леске те керел саворе авер букя. (Четине Притчи 8:30.) Е Исусес иси близко амалипе е Йеховаса. Ов служинел верно е Девлеске тай леске пхенел пес „о Слово“, соскето о Йехова хоратинел чрез лесте. (Йоан 1:14)
2. Соске о Исусес ало ки пхув?
Англал 2000 бреша о Йехова кергяс чудо. Ов използвингяс по свято духос, за те лел е Исусескоро животос таро небес тай те тховел лес йекхе чшаякере вогиесте, която пхенелас пес Мария. Аке сар о Исусес бияндило сар мануш. (Четине Лука 1:34, 35.) О Исусес ало ки пхув, за те овел о Месия, или о Христос, тай те спасинел е манушен a. Ов кергяс те ачшон саворе букя тари Библия, колато сине предскажиме е Месияске тай о мануша ащине те ахальовен, кай о Исусес си „о Христос, о Чшо е живде Девлескоро“. (Матей 16:16)
3. Кате си о Исусес акана?
О Исусес муло тай о Дел възкресингяс лес сар ангели ко небес. Отхе „о Дел кергяс лес велико“, като диняс лес бари власт. (Филипяни 2:9) Акана о Исусес си бут зорало ангели. Само е Йеховас иси по-бари сила лескератар.
РОДЕ ПО-ХОРЕСТЕ
Ахальов кова наистина си о Исусес тай соске си важно те жанес по-бут леске.
4. О Исусес нанай о Всемогъщо Дел
И Библия сикавел, кай въпреки кай о Исусес си зорало ангели ко небес, ов шунел е Йеховас, ковато си лескоро Дад тай Дел. Катар жанас, кай шунел лес? Дикхен о КЛИПИ, за те ахальовен сави си и разлика машкар о Исусес тай о Дел според и Библия.
Калка стиховя помагинен аменге те ахальовас и разлика машкар о Йехова тай о Исусес. Четинен лен тай хоратинен калке въпросиенге:
Четинен Лука 1:30-32.
-
Со пхенгяс о ангели, за те сикавел саво си о Исусес е „Всевишноне“ Девлеске, е Йеховаске?
Четинен Матей 3:16, 17.
-
Со пхенгяс о гласос таро небес, кана о Исусес покръстисайло?
-
Каскоро мислинес, кай сине о гласос?
Четинен Йоан 14:28.
-
Кой си по-баро — о дад или лескоро чшаво? Кас лендар иси по-бари власт?
-
Со мангляс те сикавел о Исусес, кана пхенгяс, кай о Йехова си лескоро Дад?
Четинен Йоан 12:49.
-
Дали о Исусес мислинел, кай си равно пе Дадеса? Со мислинес ту?
5. Соске ащи те овас сигурна, кай о Исусес си о Месия
Анди Библия иси бут пророчества, колато ка помагиненас е манушенге те ахальовен кой си о Месия — кавка, ковато о Дел избирингяс те спасинел е манушен. Дикхен о КЛИПИ, ковато сикавел десаве таро пророчества, колато изпълнингяс о Исусес, кана ало ки пхув.
Четинен калка пророчества тари Библия тай хоратинен калке въпросиенге:
Четинен Михей 5:2, за те ахальовен кате ка биянгьовелас о Месия b.
-
Изпълнисайло ли кавка пророчество, кана о Исусес бияндило? (Матей 2:1)
Четинен Псалм 34:20 тай Захария 12:10, за те дикхен саве букя пхенгяс и Библия, кай ка ачшонас, кана ка мерелас о Месия.
-
Изпълнисайле ли калка пророчества? (Йоан 19:33-37)
-
Мислинес ли, кай о Исусес ащине те урединел те изпълнингьон калка пророчества?
-
Со сикавел туке давкха е Исусеске?
6. Шукар си те сикльовас е Исусеске
И Библия сикавел кизом си важно те сикльовас е Исусеске тай те жанас со мангел о Дел те керел ов. Четинен Йоан 14:6 тай 17:3 тай хоратинен калке въпросиеске:
-
Соске си зомкха важно те сикльовас е Исусеске?
О Исусес сикавгяс аменге о дром, за те ачшовас амала е Девлеса. Ов сикавелас и истина е Йеховаске тай чрез лесте ащи те овел амен вечно животос
ДЕСАВЕ МАНУША ПХЕНЕН: „Е Йеховаскере Свидетеля на верувинен ко Исусес.“
-
Со ка пхенес ту?
СО СИКЛИЛЯМ
О Исусес си зорало ангели. Ов си е Девлескоро Чшо тай о Месия.
О най-важна букя таро уроки
-
Соске е Исусеске пхенел пес, кай си „о първородно саворе букиендар, колато кергяс о Дел“?
-
Со керелас о Исусес, англал те авел ки пхув?
-
Катар жанас, кай о Исусес си о Месия?
АХАЛЬОВ ПО-БУТ
Дикх букя, колато сикавен, кай о Исусес си о Месия.
Доказват ли месианските пророчества, че Исус е Месията? (статия на jw.org)
Ахальов тари Библия дали о Дел ачшило дад е Исусеске, сарто йекх мануш ачшол дад.
Ахальов соске о учение, кай о Дел, о Исусес тай о свято духос си йекх, нанай тари Библия.
Четине сар о животос йекхе жувлякоро променисайло, кана ахалили со пхенел и Библия е Исусеске.
Защо една еврейка преосмислила вярванията си („Пробудете се!“ май 2013)
