35 УРОКИ
Сар те лас лачше решения
Секо йекх амендар требе те лел решения. Бут таро решения, колато лас, ащи те керен амаро животос по-лачшо или по-пхаро тай те керен амен по-лачше амала е Йеховаса или те аравен амаро амалипе леса. Например може би требе те решинас кате те живинас, сар те икалас о парес, колато требен аменге, или дали те пранденас. Кана лас лачше решения, ка овел амен шукар животос тай ка анас радост е Йеховаске.
1. Сар и Библия ащи те помагинел туке те лес лачше решения?
Англал те лес решение, молине е Йеховас те помагинел туке тай дикх те ахальовес тари Библия со мислинел ов. (Четине Притчи 2:3-6.) Подекхана о Йехова сикавел аменге ясно со те керас. Тогава о най-шукар решение, ковато ащи те лес, си те шунес лес.
Ама сар те лес решение, ако и Библия на пхенел точно со те керес? О Йехова пак ка сикавел туке „о дром, колесте требе те пхирес“. (Исаия 48:17) Сар? Роде съвекя, колато ащи те помагинен туке. О съвекя тари Библия сикавен сар мислинел тай сар чувствинел пес о Дел. Ащи те ахальовас со мислинел о Дел десаве букиенге, кана четинас и Библия. Като жанас со мислинел о Йехова, ащи те лас решения, колато те анен леске радост.
2. Саве букиенге требе те мислинес англал те лес решение?
И Библия пхенел: „Кавка, ковато си гогявер мислинел со те керел.“ (Притчи 14:15) Демек, англал те лес решение, требе те бешес тай те мислинес со ащи те керес. Пуч тут: „Саво съвети дел ман и Библия? Со ка овел най-лачшес те керав? Дали моро решение ка пречинел декхаске? Тай о най-важно, дали ка анел радост е Йеховаске?“ (Второзаконие 32:29)
О Йехова си о Дел. Ов най-лачшес жанел со си лачшо тай со си кханило. Кана дикхас те ахальовас по-лачшес лескере законя тай съвекя тай дас всичко амендар те керас лен, амари съвест ка керел бути тай ка сикавел аменге о правилно дром. И съвест си о чувство, ковато сикавел аменге со си лачшо тай со си кханило. (Римляни 2:14, 15) И съвест, която керел бути тай сикавел о правилно дром, ка помагинел аменге те лас лачше решения.
РОДЕ ПО-ХОРЕСТЕ
Ахальов сар о съвекя тари Библия тай амари съвест помагинен аменге те лас решения.
3. Мук и Библия те сикавел туке о дром
Сар о съвекя тари Библия сикавен аменге о дром, кана лас решения? Дикхен о КЛИПИ тай хоратинен калке въпросиенге:
-
Со мукляс амен о Дел те керас коркоре?
-
Соске о Йехова мукляс амен коркоре те лас решения?
-
Со диняс амен ов, за те помагинел аменге те лас о най-лачше решения?
Четинен Ефесяни 5:15, 16 тай и бележка кариг о 16 стихи, за те дикхен йекх съвети тари Библия. После хоратинен сар ащи те използвинес шукар то време, за те...
-
четинес и Библия секо диес.
-
ачшовес по-лачшо ром, ромни, дад, дай или чшаво.
-
жас ко събрания.
4. Кер со требе, за те ащи ти съвест те керел бути тай те лес лачше решения
Кана и Библия пхенел аменге ясно со требе те керас, дикхьол аменге лесно те лас решение. Ама сар те лас решение, кана лате на пишинел точно со те керас? Дикхен о КЛИПИ тай хоратинен калке въпросиеске:
-
Саве букя кергяс и пхен, за те ащи лакери съвест те керел бути тай те помагинел лаке те лел решения, колато ка анен радост е Йеховаске?
Соске на требе те мангас околендар он те решинен со те керас аме? Четинен Евреи 5:14 тай хоратинен калке въпросиенге:
-
Верно си, кай си по-лесно те пучас околен со ка керенас он, ако сине амаре тханесте. Ама со требе те ащи те ахальовас коркоре?
-
Кате ащи те родес съвекя, колато те помагинен ти съвест те керел бути, за те лес лачше решения?
Амари съвест си сар карта, която помагинел аменге те решинас, накате те жас амаре животосте
5. Сикав уважение кариг околенде, кана он керен со пхенел ленгери съвест
О различна мануша лен различна решения. Сар те сикавас уважение кариг околенде, кана он керен со пхенел ленгери съвест? Аке дуй примеря:
1 Примери: Йекхе пхеняке харешинел те гримиринел пес бут. Ой жал сбориесте, колесте о пхеня на приеминен жувли те овел бут гримириме.
Четинен Римляни 15:1 тай 1 Коринтяни 10:23, 24 тай хоратинен калке въпросиенге:
-
Со ащи те решинел и пхен, като четинел калка стиховя? Со ка керес ту, ако синян манушеса, колеске дикхьон кханиле десаве букя, колато за туке си лачше?
2 Примери: Йекх пхрал жанел, кай и Библия на пхенел, кай си безех те пияс хари, ама ов решинел изобщо те на пиел. Ов си биявесте тай дикхел, кай окола пхрала пиен хари.
Четинен Еклисиаст 7:16 тай Римляни 14:1, 10 тай хоратинен калке въпросиенге:
-
Со ащи те решинел о пхрал, като четинел калка стиховя? Со ка керес ту, ако дикхес декхой те керел букя, колато за туке си кханиле?
Со те керес, за те лес лачше решения?
1. Молине е Йеховас те помагинел туке те решинес со те керес. (Яков 1:5)
2. Роде анди Библия тай андо библейска лила съвекя, колато те помагинен туке. Ащи също те хоратинес пхраленца или пхениенца, колато пенжарен лачшес е Йеховас.
3. Мислине со ащи те ачшол. Мислине дали ка овел туке шукар или ка ачшос пишмани таро решение, ковато ка лес, тай дали то решение нанай те пречинел околенге.
ДЕСАВЕ МАНУША ПХЕНЕН: „Секас иси право те керел песке со мангел. Соске те хас холи со мислинен окола?“
-
Соске требе те овел аменге важно со мислинел о Дел тай со мислинен окола?
СО СИКЛИЛЯМ
За те лас лачше решения, требе първо те ахальовас со мислинел о Йехова тай после те дикхас дали амаро решение ка помагинел околенге или ка пречинел ленге.
О най-важна букя таро уроки
-
Сар ащи те лес решения, колато анен радост е Йеховаске?
-
Со те керес, за те ащи ти съвест те керел бути тай те сикавел туке о правилно дром?
-
Сар ащи те сикавес уважение кариг околенде, кана он керен со пхенел ленгери съвест?
АХАЛЬОВ ПО-БУТ
Сар ащи те лес решения, колато ка помагинен туке те овес по-лачшо амал е Девлеса?
Вземай решения, които прославят Бога („Стражева кула“ 15 април 2011)
Ахальов сар о Йехова дел амен съвекя.
Дикх саве букя помагинде йекхе манушеске те лел трудно решение.
Ахальов сар те лес решения, колато ка анен радост е Йеховаске, даже кана и Библия на пхенел точно со те керес.
Дали винаги се нуждаеш от библейска заповед? („Стражева кула“ 1 декември 2003)
