40 УРОКИ
Сар ащи те овас шуже е Девлеске андо якха?
Представине туке сар йекх дай, която бут дехел пе чшавес, приготвинел лес те жал ки училища. Ой дикхел лакоро чшаво те овел нанярдо тай лескере шехя те овен шукар тай шуже, демек чиста. Калка букя ка помагинен те на насвальовел о чшаво тай ка сикавен, кай лескери дай тай лескоро дад дикхен за леске. Амаро-да Дад, о Йехова, мангел аме те овас шуже, амаре шехя-да те овен шуже тай о букя, колато мислинас, хоратинас тай керас, също те овен шуже. Кана синям шуже, керас лачшипе аменге тай анас слава е Йеховаске.
1. Сар ащи те овас шуже?
О Йехова пхенел аменге: „Овен свята!“ (1 Петър 1:16) Те овас свята означинел амаро телос, амаре шехя тай всичко со иси амен те овел шужо тай те керас букя, колато си шуже е Девлеске андо якха. Ка овас шуже, ако тховас амен често тай ако амаре шехя, амаро кхер тай амари лека кола си шуже тай дикхьон шукар. Требе те пазинас амари Зала е Царствоскери-да шужи. Като дикхас те овас шуже, анас слава е Йеховаске. (2 Коринтяни 6:3, 4)
2. Саве букиендар требе те нашас, за те овас шуже?
И Библия пхенел аменге те нашас таро букя „колато мелярен о телос тай и годи“. (2 Коринтяни 7:1) Аке соске требе те пазинас амен таро букя, колато си кханиле амаре телоске тай амаре гогяке. За те ащи о букя, коленге мислинас, те анен слава е Йеховаске, требе те дас о най-лачшо амендар те отчшиас о мръсна мислес. (Псалм 104:34) Също дикхас те на хоратинас мръсна букя. (Четине Колосяни 3:8.)
Саве авер букя ащи те керен амен мелале е Девлеске андо якха? Иси букя, колато насвалярен амен, сар о цигарес тай о наркотикя. Аке соске аме на пушинас, на дрогиринас амен тай на пияс илачя, за те дрогиринас амен. Като на керас салка букя, аме синям по-састе тай сикавас, кай синям благодарна, кай о Дел диняс амен о животос. Дикхас също те ачшовас шуже е Девлеске андо якха, като отчшиас о мръсна навикя сар и мастурбация a тай на дикхас порнография, демек на дикхас нанге жувля или мруша ки телевизия или ко интернети. (Псалм 119:37; Ефесяни 5:5) Ащи те овел аменге пхаро те спиринас те керас салка букя, ама о Йехова ащи те помагинел аменге те спиринас. (Четине Исаия 41:13.)
РОДЕ ПО-ХОРЕСТЕ
Дикх сар анас слава е Йеховаске, като синям шуже тай сар ащи те чшинавас о кханиле навикя.
3. Като синям шуже, анас слава е Йеховаске
Ащи те ахальовас кизом си важно е Йеховаске те овас шуже, като дикхас саве заповегя диняс ов е израилтяниен. Четинен Изход 19:10 тай 30:17-19 тай хоратинен калке въпросиенге:
-
Сар калка стиховя сикавен кизом си важно е Йеховаске те овас шуже?
-
Со ащи те керес секо диес, за те овес винаги шужо?
За те овес шужо требе време тай усилия. Ама аме ащи те овас шуже кате-да те живинас, даже те на овен амен бут парес. Дикхен о КЛИПИ тай хоратинен калке въпросиеске:
-
Соске е манушен, коленге проповединас, ка овел по-баро уважение кариг о Йехова, ако аме тай амаре букя си шуже?
4. Чшинав о кханиле навикя
О Йехова ащи те помагинел аменге те чшинавас секо йекх кханило навики
Ако пушинес или дрогиринес тут, сигурно жанес кизом си пхаро те чшинавес кавка навики. Со ка помагинел туке? Дикх саво кханилипе керел туке кавка навики. Четинен Матей 22:37-39 тай хоратинен сар о цигарес тай о наркотикя пречинен...
-
е манушеске те овел амал е Йеховаса.
-
е манушескере семействоске тай е манушенге, колато си турял лесте.
Мислине саве букя ащи те керес, за те чшинавес йекх кханило навики. b Дикхен о КЛИПИ.
Четинен Филипяни 4:13 тай хоратинен калке въпросиеске:
-
Сар и молитва, о библейско изучаване тай о събрания ка помагинен йекхе манушеске те чшинавел йекх кханило навики?
5. Отчшив о мръсна мислес тай о мръсна навикя
Четинен Колосяни 3:5 тай хоратинен калке въпросиенге:
-
Катар жанас, кай и порнография, о секстинг c тай и мастурбация си мелале е Йеховаске андо якха?
-
Според туте ащи ли наистина те овас шуже е Йеховаске андо якха, сарто ов мангел? Соске?
Ахальов сар те отчшиес о мръсна мислес. Дикхен о КЛИПИ.
О Исусес пхенгяс йекх примери, за те сикавел, кай на требе те домукас нищо те пречинел аменге те ачшовас шуже е Девлеске андо якха. Четинен Матей 5:29, 30 тай хоратинен калке въпросиеске:
-
О Исусес на мангелас те пхенел, кай требе наистина те икалас амари якх или те чшинас амаро вас, а кай требе сиго те керас всичко со ахальовас. Со ащи те керел йекх мануш, за те на авен лескере гогяте мръсна мислес? d
Ако боринес тут те на овен тут мръсна мислес, о Йехова дикхел тай керел по барипе туса. Четинен Псалм 103:13, 14 тай хоратинен калке въпросиеске:
-
Ако боринес тут, за те чшинавес десаво мръсно навики, сар калка стиховя ден тут силес те на откажинес тут?
Даже ако перес, ма откажине тут!
Лесно си те пхенес туке „Пак грешингьом. Мандар нищо нанай те ачшол.“ Ама мислине: ако йекх мануш, ковато прастал (тича) ко състезание, перел, на означинел, кай нищо на ачшол лестар или кай требе те почнинел о състезание наново. Ако ту-да йекхвар грешинес, на означинел, кай вече нищо нащи те керес, за те спиринес о кханило навики, или кай нищо на кергян жи акана. Нормално си подекхана те на издържинес тай те керес пак о мръсна букя, коленца боринес тут, ама кавка си част таро дром колесте цидингян. Ма откажине тут! О Йехова ка помагинел туке те чшинавес о кханило навики.
ДЕСАВЕ МАНУША ПХЕНЕН: „Нащи те чшинавав кавка навики, бут си манге пхаро.“
-
Саво стихи тари Библия ащи те четинес, за те сикавес калке манушеске, кай о Йехова ащи те помагинел леске те чшинавел по кханило навики?
СО СИКЛИЛЯМ
Като дикхас те овас шуже тай всичко со мислинас тай керас те овел шужо, анас слава е Йеховаске.
О най-важна букя таро уроки
-
Соске си зомкха важно те овас шуже?
-
Со те керес, за те овес шужо тай всичко со иси тут те овел шужо?
-
Со те керес, за те ащи о букя, колато мислинес тай керес те овен шуже?
АХАЛЬОВ ПО-БУТ
Саве букя ащи те керес, за те овес шужо, даже ако нанай тут бут парес?
Дикх саве букя ащи те помагинен туке те чшинавес о цигарес.
Четине со ка ачшол, ако дикхес порнография.
Порнографията — безобидна или навреждаща? („Стражева кула“ 1 август 2013)
Дикх со помагингяс йекхе манушеске те спиринел те дикхел порнография.
Провалях се много пъти, преди да успея („Стражева кула“ бр. 4, 2016)
a Мастурбация си, кана мануш нарочно коркоро възбудинел пе сексуална органя, за те ачшол леске приятно.
b О статиес „Как да спреш пушенето“, колато си андо блокчес „Ахальов по-бут“ калке урокиесте, сикавен саве букя ащи те керес, за те чшинавес десаве кханиле навикя би коленгоро мислинес, кай нащи те живинес.
c Секстинг си, кана мануш бичшалел съобщения, снимкес или клиповя, колато сикавен мръсна букя.
d За те ахальовес со ка помагинел туке те чшинавес и мастурбация, дикх и тема „Как да се преборя с навика да мастурбирам?“ андо лил „Въпроси на младите хора — практични отговори“, 1 том, 25 шеро.
