ГИЛИ 40
Каскере синям?
(Римляни 14:8)
-
1. Пхен каскоро синян?
Тай каске служинес ту?
Кова си то дел тай кас шунес?
Коле дроместе ту пхирес?
Йекх само си о Дел,
нащи те овен тут дуй.
Дикх каске мангес те дес то сърцес
тай каса ту ка пхирес.
-
2. Пхен каскоро синян?
Тай каске служинес ту?
O Бенг хохавно си, те жанес,
дикх лестар сиго те нашес.
Шунес ли околен?
Дарас ли таро мануш?
Ако е Девлес мангес те шунес,
щастливо ту ка овес.
-
3. Ме каскоро синьом?
Мо Дел о Йехова си.
За леске живинав, лес шунав
тай леске верно ка овав.
За манге платингяс,
о Дел пе Чшавес диняс.
Жи лесте мангав ме те ачшовав
тай мандар всичко ка дав.
(Дикх Ис. Н. 24:15; Пс. 116:14, 18; 2 Тим. 2:19)
