Кана хоратинас е манушенца е Библияке или изучинас ленца, требе те помагинас ленге те ахальовен о най-важна мислес. Кана използвинас примеря, ащи те ресас жи ленгере иленде тай те помагинас ленге те помнинен давкха со сикльовен.

Кана подготвинес тут те хоратинес декхаса е Библяке или те изучинес леса, помислине саве лесна примеря таро животос ащи те използвинес, за те обяснинес о най-важна мислес, а ма те хоратинес саворе цикне букиенге, колато нанай зомкха важна. (Мт 5:14-16; Мр 2:21; Лу 14:7-11) Мислине далкхеске саво си о мануш тай саве букя керел пе животосте. (Лу 5:2-11; Йоа 4:7-15) Бут ка лошанес, кана дикхес сар лескере якха светинен лошалятар, ашал далкхеске кай ахалило варесо нево.

ДИКХ О КЛИПИ „ИЗПИТАЙТЕ РАДОСТТА ДА ПРАВИТЕ УЧЕНИЦИ — ПОДОБРЯВАЙТЕ УМЕНИЯТА СИ: ОБЯСНЯВАЙ С ПРИМЕРИ ГЛАВНИТЕ МИСЛИ“ ТАЙ ОТГОВОРИНЕ ДАЛКХЕ ВЪПРОСИЕНДЕ:

• Соске е манушенге, коленца изучинас, ащи те требел помощ, за те ахальовен о стиховя тари Библия?

• Саво примери използвингяс и Нита, за те обяснинел о стихи Римляни 5:12?

• Сар о шукар примеря ащи те помагинен е манушенге, коленца хоратинас е Библияке?

• Соске анди служба требе те използвинас клиповя тай авер букя, колато дел амен е Йеховаскери организация?