Те поправинес декхас най-често означинел те сикавес лес тай те дес лес годи, ама ащи те включинел порицание-да. О Йехова поправинел амен, за те ащи те служинас леске сарто мангел. (Ри 12:1; Ев 12:10, 11) Подекхана о поправяне ащи те дукхавел амен, ама ов помагинел аменге те овас праведна е Йеховаске андо якха тай анел аменге благословиес. (Пр 10:7) За соске требе те ден пес годи далкха, колато поправинен, тай далкха, колато получинен о поправяне?

Ако ту поправинес декхас. О старейшиня, о родителя тай авер-да мануша, колато поправинен декхас, дикхен те керен давкха сар о Йехова, мило тай дехимнаса. (Йер 46:28) Даже о строго порицание требе те овел според далкхесте со кергяс о мануш тай те овел дехимнастар. (Тит 1:13)

Ако поправинен тут. На требе те отчшияс о поправяне, а те дикхас сиго те керас давкха со пхенен аменге. (Пр 3:11, 12) Аме синям несъвършена мануша, адалкхеске саворенге требел поправяне тай иси различна начиня те получинас лес. Например ащи те овас поправиме далкхестар со четинас анди Библия или со шунас ко събрание. Подекхана ащи те требел декхаске поправяне пхралендар, колато служинен сар съдебно комитети. Ама ако приеминас о поправяне тай керас давкха со пхенен аменге о пхрала, ка овел амен вечно животос. (Пр 10:17)

ДИКХ О ВИДЕОКЛИПИ „ЙЕХОВА ПОРИЦАВА ОНЗИ, КОГОТО ОБИЧА“ ТАЙ ОТГОВОРИНЕ ДАЛКХЕ ВЪПРОСИЕНДЕ:

• Саво сине е Канъниескоро животос андо начало тай сар променисайло?

• Сар о Йехова поправингяс лес дехимнаса?

• Со сикльовас далкхестар со ачшило е Канъниеса?