Бискай живинас ко крайос „е последноне диесенгоро“, о бедствия ка ачшон са по-често тай са по-баре. (2Ти 3:1; nwtsty бележки за изследване към Мт 24:8) Кана ачшол бедствие, е Йеховаскере служителя получинен напътствия, колато ащи те спасинен лен, точно кана требен ленге. Давкха дали ка овас спасиме андо бъдеще зависинел далкхестар дали подготвинас амен акана, като барярас амари духовност тай кидас о букя, колато ка требен аменге. (Лу 16:10)

• Баряр ти духовност: Четине тай изучине и Библия редовно. Участвине анди служба, като сикльовес о различна начиня, коленца проповединас. Ма кер паника, ако ачшол чука, кай хари време нащи те хоратинес или те дикхес тут е пхраленца тай е пхениенца тари кхангери. (Иса 30:15) Нисар ма бистер, кай о Йехова тай о Исусес винаги си жи туте. (od-BL 176, абз. 15-17)

• Киде о букя, колато ка требен туке: Освен о раницес, е семействонен требе те овен хари букя хамнаске, пани, илачя тай авер букя, колато ка требен ленге, ако ачшол чука, кай нащи те икльон пумендар по-дълго време. (Пр 22:3; g17.5-BL 4, 6)

ДИКХ О ВИДЕОКЛИПИ „ПОДГОТВЕН ЛИ СИ ЗА БЕДСТВИЕ?“ ТАЙ ОТГОВОРИНЕ ДАЛКХЕ ВЪПРОСИЕНДЕ:

• Сар те барярас амари духовност, за те овас готова ако ачшол бедствие?

• Соске требе...

  • те пхенас е старейшиниенге со ачшол аменца тай он те жанен сар те свържинен пес аменца?

  • те подготвинас аменге раница е букиенца, колато ка требен аменге, ако ачшол бедствие?

  • те мислинас саве бедствия ащи те ачшон отхе, кате бешас тай со те керас според далкхесте саво си о бедствие?

• Саве трин начиня иси те помагинас далкхенге, коленге си пхаро, ашал далкхеске кай ачшило природно бедствие?

ПУЧ ТУТ: Со сикльовав тари пандемия COVID-19 далкхеске сар ащи те овав подготвиме?