Сар несъвършена мануша, постоянно требе те боринас амен, за те овел амен контроли упрал о букя, колато манген пес аменге. Ако керас давкха со мангел пес аменге, ащи те измукас амаро амалипе е Йеховаса. Например десаве мануша дехен по-бут те хан, те урявен пес шукар тай те бешен шукаре кхересте, далкхестар кизом дехен е Девлес. Авер на мислинен саве мангел о Дел те овен о сексуална отношения, а керен со мангел пес ленге. (Ри 1:26, 27) Десаве мануша подден пес, кана подиринен лен те керен кханиле букя, соскето манген окола те харешинен тай те приеминен лен. (Из 23:2)

Со те керас, за те овел амен контроли упрал о букя, колато манген пес аменге? Требе те дас всичко амендар, за те керас давкха, ковато лошанкярел е Йеховас. (Мт 4:4) Също требе те молинас е Йеховас те помагинел аменге те овел амен контроли упрал о букя, колато манген пес аменге. Соске? Соскето ов жанел со си о най-лачшо аменге тай жанел сар те дел амен о шукар букя, колато манген пес аменге. (Пс 145:16)

ДИКХ О КЛИПИ „НЕ ДОПУСКАЙ ЖИВОТЪТ ТИ ДА ИЗЧЕЗНЕ КАТО ДИМ“ ТАЙ ОТГОВОРИНЕ КАЛКЕ ВЪПРОСИЕНГЕ:

• Соске десаве мануша пушинен?

• Со ащи те ачшол туса, ако пушинес?

• Соске нанай шукар мануш те пушинел или те използвинел електронна цигарес? (2Ко 7:1)

• Сар ащи те откажинес, кана подиринен тут те пушинес или ако вече пушинес, сар ащи те спиринес?