За те лошанкярен е Девлес, о мануша, колато изучинен и Библия, требе те барярен пи вяра. (Ев 11:6) Ащи те помагинас ленге те керен давкха, като използвинас о лил „Шукар животос завинаги!“. Калке лилесте иси важна стиховя, шукар обяснения, въпрося, колато помагинен е манушенге те ахальовен со сикавел и Библия, насърчителна клиповя тай шукар картинкес. Кана помагинас е манушенге, коленца изучинас, те сикавен християнска качества тай те барярен по амалипе е Девлеса, все едно строинас, като използвинас зорале материаля, колато нащи тхабльон. (1Ко 3:12-15)

Десаве манушенге си трудно те верувинен, кай ащи те овен амала е Девлеса, соскето нащи дикхен лес. Адалкхеске требе те помагинас ленге те пенжарен е Йеховас тай те мукен пес лескере вастенде.

ДИКХ О КЛИПИ „ИЗГРАЖДАЙТЕ ВЯРА В ЙЕХОВА С КНИГАТА „РАДВАЙ СЕ НА ЖИВОТА ВЕЧНО!“ ТАЙ ОТГОВОРИНЕ КАЛКЕ ВЪПРОСИЕНГЕ:

• Катар ахальовас, кай и пхен подготвисайли шукар англал о изучаване?

• Сар използвингяс шукар десаве допълнителна въпрося, за те помагинел е жувляке те пхенел со мислинел тай сар чувствинел пес, кана четинде Исаия 41:10, 13?

• Сар чувствисайли и жувли, кана дикхляс о клипи тай о стиховя?

Бут мануша на ахальовен со си о откупи или нащи приеминен, кай о откупи си сар подаръки таро Дел лично ленге. (Га 2:20) Адалкхеске требе те помагинас ленге те барярен пи вяра анде Исусескери жертва.

ДИКХ О КЛИПИ „ИЗГРАЖДАЙТЕ ВЯРА В ИСУС С КНИГАТА „РАДВАЙ СЕ НА ЖИВОТА ВЕЧНО!“ ТАЙ ОТГОВОРИНЕ КАЛКЕ ВЪПРОСИЕНГЕ:

• Катар ахальовас, кай о пхрал подготвисайло шукар англал о изучаване?

• Сар използвингяс шукар о букя анди част „Ахальов по-бут“, за те помагинел е манушеске?

• Соске и молитва си бут важно е манушенге, коленца изучинас?