Щом о крайос калке светоскоро си паше, очаквинас са по-често о мануша те ухкьен йекх мамуй авересте тай те овен са по-бут войни тай терорискя. (Отк 6:4) Сар ащи те овас подготвиме е пхаре диесенге, колато ка авен?

• Дикх те ахальовес дали керес всичко со ащи за те ачшовес верно: Роде съвекя тай разказя тари Библия, колато ка барярен то доверие кариг о Йехова тай кариг лескере организацияте тай ка помагинен туке те на овес част калке светостар. (Пр 12:5; jr-BL 125, 126, абз. 23, 24) Акана си о време те ачшовес близко амал е пхраленца тай е пхениенца тари кхангери. (1Пе 4:7, 8)

• Киде о букя, колато ка требен туке: Мислине со ка керес, ако нащи те икльовес тумендар тай дикх те овел тут достатъчно хабе, пани тай авер букя, колато ка требен туке. Мислине далкхеске-да кате ка жас, ако требе те нашес тумендар. Дикх со иси тут анди раница е букиенца, колато ка требен туке, ако ачшол бедствие, тай тхов лате парес тай букя, коленца те пазинес тут, сар маскес тай ръкавицес. Дикх те жанес сар те свържинес тут е старейшиниенца тай он-да те жанен сар те свържинен пес туса. (Иса 32:2; g17.5-BL 3-7)

Кана о мануша ухкьен йекх мамуй авересте, продължине те служинес е Йеховаске, като молинес тут, четинес тай изучинес и Библия тай жас ко събрания. (Флп 1:10) Ма жа тхан тханестар, освен ако требе те нашес отхар, кате синян. (Мт 10:16) Де околен-да те хамнастар тай околе букиендар, колато иси тут. (Ри 12:13)

ДИКХ О КЛИПИ „ПОДГОТВЕН ЛИ СИ ЗА БЕДСТВИЕ?“ ТАЙ ОТГОВОРИНЕ КАЛКЕ ВЪПРОСИЕНГЕ:

• Сар ащи те помагинел аменге о Йехова, кана ачшол бедствие?

• Со те керас, за те овас подготвиме, ако ачшол бедствие?

• Сар ащи те помагинас е манушенге, коленге си пхаро, ашал далкхеске кай ачшило бедствие?