Кана проповединелас, о Исусес използвинелас о букя, колато ачшонас лескере диесенде, за те сикавел околен. (Лу 13:1-5) Ту-да ащи те хоратинес е букиенге, колато сиго ачшиле, за те овел е манушенге интересно те шунен и лачши новина е Тхагарипнаске. Пхен варесо далкхеске кизом си пхаро мануш те икалел даже йекх парчес маро, саво бедствие ачшило, сар о мануша ухкьен йекх мамуй авересте, дрогиринен пес или варесо авер тай палал далкхесте пуч е манушес варесо, ковато ка традел лес те замислинел пес. Ащи те пучес: „Мислинес ли, кай декхана ка свършинел ...?“ или „Сар мислинес, кай ащи те опринел пес ...?“ Палал далкхесте четине стихи тари Библия, ковато хоратинел далкхеске. Ако дикхес, кай си интересно е манушеске, сикав леске десаво клипи или лил таро „Инструменкя е службаке“. Нека те керас со ащи, за те шунярас и лачши новина, като дикхас те доресас жи ко ило е манушенгоро. (1Ко 9:22, 23)

За соске ащи те хоратинес е манушенца, отхе кате бешес, за те овел ленге интересно?