Е Исусескери последно Пасха ка овелас бут важно. Ашал далкхеске кай сиго ка мерелас, о Исусес мангелас те керел и Пасха пе апостоленца тай те дел лен неви заповед те керен секо бреш и Господно вечеря. Адалкхеске бичшалгяс е Петрес тай е Йоанес те подготвинен и одая. (Лу 22:7-13; дикх и първо страница) Давкха дел амен годи, кай требе те подготвинас амен за ко Възпоменание, ковато ка овел 27 март. Сигурно андо сборовя вече мислинде далкхеске кой ка керел и проповед, кой ка анел о маро тай и мол тай авере букиенге. Ама со ащи те керел секо йекх амендар, за те подготвинел пес за ко Възпоменание?

Баряр ти благодарност далкхеске, кай о Исусес муло туке. Четине о стиховя тари Библия, колато хоратинен далкхеске. Ащи те дикхес и програма е стиховиенца андо лил „Те изучинас и Библия секо диес“ (дасиканес). А анди 16 част таро „Лил, ковато помагинел аменге те изучинас е Девлескоро Слово“ (дасиканес) иси по-подробно програма е стиховиенца. (Също дикх и програма е събраниеске „Християнско животос тай служба“ (дасиканес) е масекеске април 2020 г.) Андо „Справочники е Йеховаскере Свидетеленгере лиленге“ (дасиканес) о семейства ащи те аракхен со те четинен амаре лилендар далкхеске кизом си важно е Исусескери жертва тай те раздикхен давкха ко семейно поклонение.

Канине околен-да. Де всичко тутар, кана ка канинас е народос ко Възпоменание. Мислине кас ащи те канинес, сарто например е манушен, коленца хоратинес е Библияке, коленца изучинесас преди, колен пенжарес тай те енданиен. О старейшиня ка канинен е пхрален, колато си неактивна. Ма бистер, кай ако ресес манушес, ковато на бешел тере кварталиесте, ащи те ахальовес кана тай кате ка овел о Възпоменание отхе, кате бешел ов, като натискинес АМЕНГЕ ки начално страница ко jw.org тай избиринес „Възпоменание“.

Со авер ащи те керас, за те подготвинас амен?