Иси амен щар клиповя е службаке, колато сикавен соске тай сар те изучинас и Библия. За соске сине кердо секо йекх лендар?

• Соске те сикльовес и Библия? (дълго клипи) си кердо, за те помагинел е манушенге те манген те жанен по-бут е Библияке, саве-да букиенде те верувинен. Кавка клипи традел е манушен те манген те роден анди Библия о отговоря е въпросиенге, колато саворе мануша манген те жанен, тай сикавел саве важна букя ащи те ахальовас тари Библия. О клипи пхенел сар мануш ащи те мангел песке библейско изучаване.

• Соске те сикльовес и Библия? (кратко клипи) си сар о дълго клипи, ама си трин дром по-кратко. Кавка клипи си шукар е манушенге, колен нанай време те хоратинен аменца.

• Сар керен пес о библейска изучавания? си кердо, за те помагинел е манушенге те манген те ахальовен сар керас о библейска изучавания, колато си бипаренгоро, тай дел отоворя десаве въпросиенге, колато о мануша ащи те пучен пес, например сар те манген песке изучаване.

• Сар керен пес о библейска урокя? си кердо, за те сикавас лес е манушенге, колато изучинен и Библия. Кавка клипи си ки второ страница таро лил „Шукар животос завинаги!“, ама ащи те мукас лес е манушенге, кана четинас тари брошура-да „Шукар животос завинаги!“. О клипи сикавел саве букиенге хоратинел о лил тай саве букя ка ахальовел о мануш, кана ка четинас о лил заедно.

Въпреки кай кана амаре пхрала керде калка клиповя, он мислинде точно сар те използвинел пес секо йекх лендар, аме ащи те сикавас лен или те бичшалас лен е манушенге винаги, кана ащи. Шукар си о вестителя те жанен со иси калке клиповиенде тай те използвинен лачшес лен анди служба.