Авдиес иси са по-бут бедствия. Кана ачшол бедствие, о букя, колато керас, за те помагинас, требе те ачшон редоса. Аке соске о Ръководно тяло решингяс секоне клониесте те овел „Отдел за оказване на помощ при бедствия“.

Кана о пхрала таро отдели ахальовен, кай ачшило бедствие, он веднага свържинен пес е старейшиниенце отхе, кате ачшило о бедствие, за те пучен сави помощ требел е пхраленге тай е пхениенге. Ако о положение си зомкха пхаро, кай о пхрала тай о пхеня нащи те оправинен пес коркоре, о пхрала таро Бетел ка бичшален пхрален, колато си обучиме те помагинен ленге. Калка пхрала ащи те пучен кой мангел те помагинел или те дел сар дарение десаве букя, колато ка требен. Он също ащи те кинен тай те ингален авер букя, колато ка требен отхе, кате ачшило о бедствие.

Бут си шукар, кана керас о букя салке редоса, соскето жанас, кай нанай те керас нещо, ковато вече декхой авер керел, нанай никхой те обърконел пес тай нанай парес или десаве материаля те жан залудо, сарто ащи те ачшол, ако о пхрала коркоре решинен со те керен.

О пхрала, колато си бичшалде таро Бетел, ащи те преценинен кизом парес тай кизом мануша требен е букяке. Ащи също те хоратинен е манушенца, колен иси власт, соскето подекхана он ащи те помагинен аменге те справинас амен по-сиго. Тогава никхой на требе коркоро те кидел парес, те бичшалел десаве букя или те жал ко тхан, кате ачшило бедствие, освен ако о пхрала на пхенен леске.

Кана ачшол бедствие, аме мангас те помагинас. (Ев 13:16) Бут дехас амере пхрален тай пхениен! Тогава со ащи те керас? О най-важно си, кай ащи те молинас амен калкенге, коленге си пхаро тай калкенге, колато помагинен ленге. Също ащи те керас дарения е службаке ко цело светос. О пхрала таро Бетеля, колен водинел о Ръководно тяло, ащи те решинен най-лачшес кате ка помагинен най-бут о дарения, колато керас. Тай ако мангас аме те жас те помагинас, ащи те сикавас, кай синям готова, като подпхерас и „Молба за местен доброволец по проектиране и строежи“ (DC-50).

ДИКХ О КЛИПИ „ГОЛЕМИ НАВОДНЕНИЯ В БРАЗИЛИЯ“ ТАЙ ОТГОВОРИНЕ КАЛКЕ ВЪПРОСИЕСКЕ:

Со харешингяс туке най-бут, като дикхлян сар е Йеховаскере Свидетеля помагинде, кана ачшило о наводнение анди Бразилия презал о 2020 бреш?