О Йехова дел амен саворе събрания, за те помагинел аменге те сикавас дехиба тай те керас лачшипе. О сбиркес-да помагинен аменге те керас давкха. (Евреи 10:24, 25) Он требе те овен таро 5 жи ко 7 минукя. Далкхе времесте требе те урединел пес кой каса ка проповединел, те дел пес райони тай те пхенел пес молитва. (Ако и сбирка си палал о събрание, требе те овел панда по-кратко.) О пхрал, ковато керел и сбирка, требе те подготвинел варесо, ковато ка овел полезно е службаке далкхе диесесте. Например ашал далкхеске кай по-бут таро пхрала тай таро пхеня на уле ки служба презал о курко, ащи те овел полезно събота ки сбирка те раздикхел пес сар те захоратинас е манушен. Со авер ащи те раздикхел о пхрал, ковато керел и сбирка?

• О примерно разговори таро лил „Християнско животос тай служба — програма е събраниеске“

• Сар те започнинас разговори, като пхенас варесо, ковато ачшило отхе кате бешас, или варесо, ковато ден ки телевизия

• Сар те продължинас о разговори, кана о мануш пхенел варесо, ковато о народос андо райони често пхенен, за те чшинавен о разговори

• Со те пхенас ако ресас манушес, ковато на верувинел, кай иси Дел, ковато верувинел ки еволюция, ковато хоратинел авер чшиб, или колескери религия нанай често срещано отхе, кате бешас

• Сар те използвинас о букя таро сайти jw.org, таро приложение JW Library^® или тари Библия

• Сар те използвинас о „Инструменкя е службаке“

• Сар те проповединас ко телефони или ки количка, сар те пишинас писма, сар те керас повторна посещения тай изучавания

• Сар те овас предпазлива тай гъвкава, сар те икерас амен шукар или сар те овел амен положително нагласа

• Уроки или клипи таро лил „Сар те четинес тай те сикавес околен по-лачшес“ (дасиканес)

• Сар те насърчинас далкхес, колеса проповединас, тай сар те помагинас леске

• Стихи амаре службаке или шукар случка