Панда хари тай о Йехова нанай вече те търпинел кавка кханило светос тай ка унищожинел лес. О хохавне кхангеря ка овен унищожиме, йекх група народовиендар ка атакувинел е Девлескере народос тай о Йехова ка мударел е кханилен ки война Армагедон. О християня бут манген тай жарен калка букя те ачшон.

Ама на жанас точно сар ка ачшол о баро бедствие. Например на жанас кана ка започнинел. На жанас со ка пхенен о мануша, колен иси власт, за те оправдинен пес, кай ка махнинен о религиес. На жанас сар тай кизом дълго ка атакувинен е Девлескере народос. На жанас също со ка керел о Йехова, за те унищожинел е кханилен ко Армагедон.

Ама и Библия пхенел аменге всичко со требе те жанас, за те на дарас таро букя, колато сиго ка ачшон тай те овас сигурна, кай ка овас спасиме. Например жанас, кай живинас андо „последна диеса“. (2Ти 3:1) Жанас, кай и атака мамуй о религиес, ка „овел чшинавди“, за те на овел унищожиме и истинско религия-да. (Мт 24:22) Жанас, кай о Йехова ка спасинел пе народос. (2Пе 2:9) Тай жанас също, кай Кавка, колес о Йехова избирингяс те мударел е кханилен тай те защитинел е вернонен ко Армагедон, си верно тай зорало. (Отк 19:11, 15, 16)

О букя, колато ка ачшон андо бъдеще, ка траден е манушен те „перен даратар“. Ама ако четинас тай мислинас сар о Йехова спасингяс пе народос преди тай саве букя сикавгяс, кай ка керел андо бъдеще, ка ащи те овас „упрал пиренде“ тай те „ваздас амаре шере“, соскето синям сигурна, кай „амаро спасение си паше“. (Лу 21:26, 28)