О молитвес, колато си според е Девлескери воля, си сар о тамяни, ковато кханделас шукар, кана тхаренас лес англал о Йехова ко храми. (Пс 141:2) Кана пхенас амаре небесноне Дадеске кизом дехас лес, кизом синям благодарна леске, саве букиенге хас холи тай со мангел пес аменге тай кана молинас лес те водинел амен, аме сикавас, кай амаро амалипе леса си бут важно аменге. Е Йеховаске си важна о кратка молитвес, колато пхенас ко събрания, соскето ленца аме поклонинас амен леске. Ама кана синям коркоре тай пхенас по-дълга молитвес, коленде путерас амаро сърцес англал о Йехова, анас леске бари радост. (Пр 15:8)

ДИКХ О КЛИПИ „ОТДАДЕН СЪМ НА МОЛИТВАТА“ ТАЙ ОТГОВОРИНЕ КАЛКЕ ВЪПРОСИЕНГЕ:

• Саве задачес сине е пхралес Джонсън?

• Сар о пхрал Джонсън сикавелас пе молитвенца, кай мукел пес е Йеховаске андо васта?

• Со сиклилян таро букя, колато ачшиле е пхралеса Джонсън?