О спортискя на спиринен те трениринен, за те ачшовен зорале. Сар ленде, аме-да на требе те спиринас те сикльовас сар те ахальовас правилно о букя. (Ев 5:14) Нищо кай ащи те авел аменге андрал те керас давкха со керен окола мануша, аме требе те сикльовас те използвинас амари годи тай коркоре те решинас со те керас. Соске? Соскето секо йекх амендар ка дел сметка далкхеске со керел. (Ри 14:12)

На требе те мислинас, кай ка лас лачше решения, само соскето синям покръстиме бут бреша. За те лас лачше решения, требе те разчитинас напълно е Йеховаске, лескере Словоске тай лескере организацияке. (ИсН 1:7, 8; Пр 3:5, 6; Мт 24:45)

ДИКХ О КЛИПИ „ПАЗЕТЕ СЪВЕСТТА СИ ЧИСТА“ ТАЙ ОТГОВОРИНЕ ДАЛКХЕ ВЪПРОСИЕНГЕ:

• Со требелас те решинел и Ема?

• Соске на требе те пхенас со мислинас аме е букиенге, колато мануш требе коркоро те решинел според далкхесте со традел лес те керел лескери съвест?

• Саво шукар съвети дине е Ема йекх пхрал тай лескери ромни?

• Кате аракхляс и Ема полезно информация далкхеске со те керел?