Презал о масек ноември ка дас всичко амендар те шунярас и лачши новина, кай сиго о светос ка овел по-шукар. (Пс 37:10, 11; Отк 21:3-5) Кер туке плани, за те ащи те участвинес анди кампания кизом ащи по-бут. Ако запишинес тут те овес помощно пионери далкхе масекесте, ка ащи те избиринес дали те керес 30 или 50 сахакя служба.

Подготвине туке стихи, колесте пишинел сар ка овел ко нево светос, тай дикх те четинес лес кизом ащи по-буте манушенге. Кана избиринес о стихи, мислине далкхеске со ка овел интересно е манушенге тере райониесте. Ако декхой мангел те жанел по-бут ко първо разговори, де лес и „Стражева кула“, бр. 2, 2021 г. Дикх те хоратинес пак е манушеса кизом ащи по-сиго тай те започнинес изучаване тари брошура „Шукар животос завинаги!“. Бут ка лошанас те шунярас и „лачши новина варесоске, ковато си по-шукар“! (Иса 52:7)

ДИКХ О КЛИПИ ТАРИ ГИЛИ „В СВЕТА НАПЪЛНО НОВ“ ТАЙ ОТГОВОРИНЕ ДАЛКХЕ ВЪПРОСИЕНГЕ:

• Саво шукар бъдеще представинел песке и цикни чшай?

• Со мангес те дикхес най-бут андо нево светос?

• Сар давкха те размислинес упрал и надежда, която иси амен, ка помагинел туке те участвинес кизом ащи по-бут анди кампания презал о масек ноември? (Лу 6:45)