Бут лошанас, кай иси амен неви брошура тай неви книга, за те керас библейска изучавания! Молинас амен е Йеховаске те благословинел давкха со керас, за те помагинас по-буте манушенге те ачшовен ученикя. (Мт 28:18-20; 1Ко 3:6-9) Сар те използвинас о неве лила?

О библейска урокя тари книга „Шукар животос завинаги!“ си о нево начини те сикавас околен е Библияке. Адалкхеске кана подготвинес тут тай кана керес о изучаване, кер далкха букя *:

• Четине о уроки тай обсъдине о въпрося

• Четине о стиховя, коленде пишинел „четине“, тай помагине е манушеске, колеса изучинес, те ахальовел лен

• Мук тай обсъдине о клиповя, като пучес о въпрося кариг ленде

• Секо дром кана керес о изучаване, дикх те свършинес йекх цело уроки

Кана проповединес, първо де и брошура, за те ахальовес дали о мануш мангел те жанел по-бут. (Дикх о блокчес „ Со те керес, кана дес и брошура „Шукар животос завинаги!“ ко първо разговори“.) Ако изучинен и цело брошура тай о мануш мангел те продължинел, ащи те дес лес и книга тай те започнинен таро 4 уроки. Ако вече изучинес декхаса десаве авере лилестар, ащи те пренакхен кариг и книга „Шукар животос завинаги!“ (ако си преведиме тере чшибате) тай те решинес катар те започнинен.

ДИКХ О КЛИПИ „САР КЕРЕН ПЕС О БИБЛЕЙСКА УРОКЯ“ ТАЙ ОТГОВОРИНЕ ДАЛКХЕ ВЪПРОСИЕНГЕ:

• Со ка сикльовен о мануша, колато ка изучинен о нево лил?

• Соске ка овел шукар те сикавес давкха клипи е манушенге, коленца започнинес те изучинес и Библия?

• Саве букя требе те насърчинес те керел о мануш, колеса изучинес? (Дикх о блокчес „ Со сикавел секо йекх част тай со ащи те керел о изучаващо“.)