О лачше християнска семейства отден слава е Йеховаске тай си щастлива. (Мр 10:9) Кана избиринен каске те пранденен, о християня требе те шунен о съвекя тари Библия, за те овел ленгоро семейство щастливо тай зорало.

Ащи те пхирес декхаса само ако вече накхло о време, кана о силна сексуална желания ащи те пречинен туке те лес мъдра решения. (1Ко 7:36) Използвине лачшес о бреша, бискай на синян прандеме, за те барярес то амалипе е Девлеса тай те ачшовес шукар мануш лескере якхенде. Тогава ка овес готово те керес со требе, за те овел тут щастливо семейство.

Англал те пранденес декхаске, си шукар те накхел достатъчно време, за те ахальовес саво мануш наистина си ов тай со иси лескере илесте. (1Пе 3:4) Ако дикхес, кай иси букя, ашал коленге на синян сигурно дали те пранденес калке манушеске, хоратине леса. Сарто требе те керес саворе манушенца, коленца синян близко, андо семейство-да требе те мислинес со ащи те дес, а ма со ка получинес. (Флп 2:3, 4) Ако англал те пранденес, керес со пхенел и Библия, ка овел туке по-лесно, кана пранденес-да, те продължинес те родес съвекя латар, за те овел тут щастливо семейство.

ДИКХ О КЛИПИ „ПОДГОТОВКА ЗА БРАК — 3 ЧАСТ: „ПРЕСМЕТНИ РАЗНОСКИТЕ“ ТАЙ ОТГОВОРИНЕ КАЛКЕ ВЪПРОСИЕНГЕ:

• Сар жанас о букя, кана и пхен започнингяс те пхирел е пхралеса Шейн?

• Со дикхляс лесте, бискай продължиненас те пхирен?

• Сар лакоро дад тай лакери дай помагинде лаке тай саво мъдро решение лиляс ой?