Ки първо страница амаре сайтиесте иси статиес тай клиповя манушенге, колато си лачше вогиенгере, ама нанай е Йеховаскере Свидетеля. (Де 13:48) Ленде често иси букя, коленге хоратинел пес ко новини или коленге о народос мислинен тай хоратинен.

Сар ащи те използвинес и първо страница таро сайти jw.org, кана проповединес?

• Често дикх со иси ко сайти. Дикх со иси ки първо страница, отхе кате пишинел „Избириме“, тай мислине сар ащи те използвинес калка букя, за те помагинес манушеске, ковато мангел те жанел по-бут. (За те аракхес авер букя, колато сиго сине ки първо страница, натискине „Виж повече“.) Ако винаги жанес саве неве букя иси ко сайти, ка жанес саве неве букиенге те хоратинес е манушенца, кана проповединес.

• Използвине о статиес тай о клиповя, колато си ки първо страница таро сайти, за те захоратинес е манушен. Калка букя таро сайти ащи те помагинен туке те ахальовес саве букиенге може би мислинен о мануша отхе, кате проповединес.

• Сикав е манушенге и първо страница таро сайти. Сикав е манушенге саве букиенге хоратинел пес ко сайти тай сикав ленге сар те роден букя, колато си ленге интересна.

• Бичшал линки. Десаве мануша на манген те хоратинен аменца, ама ащи те ден амаре сайтиесте. Аке соске, ако декхой мангел те жанел по-бут, на требе те притеснинес тут те бичшалес леске линки, колеса те дел андо сайти или колеса те четинел десави статия или те дикхел клипи.