Буте манушен нанай доверие ко мануша, колен иси власт тай ащи те ахальовас соске. Презал о бреша бут мануша, колен сине власт, на дикхенас е народоске, а дикхенас само песке. (Мих 7:3) Бут синям благодарна, кай о Йехова сикавел е старейшиниен андо сбори те използвинен пи власт, за те помагинен е Йеховаскере народоске. (Ест 10:3; Мт 20:25, 26)

О старейшиня нанай сар о мануша таро светос, колен иси власт. Он манген те керен по-бут андо сбори, соскето дехен е Йеховас тай лескере народос. (Йоа 21:16; 1Пе 5:1-3) О Исусес водинел калке пастириен, за те ащи те помагинен секоне йекхеске андо сбори те чуствинел, кай си част таре Йеховаскоро семейство тай те ачшовел паше жи ко Йехова. Он винаги си готова те помагинен е Йеховаскере бакренге, като насърчинен лен, тай като помагинен ленге, кана спешно требе те жан ки болница или кана ачшол природно бедствие. Ако требел туке помощ, ма лажа те пхенес декхаске таро старейшиня андо сбори. (Як 5:14)

ДИКХ О КЛИПИ „ПАСТИРИТЕ СЕ ГРИЖАТ ЗА СТАДОТО“ ТАЙ ОТГОВОРИНЕ КАЛКЕ ВЪПРОСИЕНГЕ:

• Сави полза сине е Мариана, кана о старейшиня помагинде лаке?

  То отговори

• Сави полза сине е Илиас, кана о старейшиня помагинде леске?

  То отговори

• Акана като дикхлян кавка клипи, со мислинес е букиенге, колато керен о старейшиня?

  То отговори