О Йехова помагинелас е чороренге андо пурано Израил. Сар помагинел пе чоре служителенге авдиес?

• Сикавел лен те тховен о парес ко правилно тхан пе животосте. (Лу 12:15; 1Ти 6:6-8)

• Помагинел ленге те ахальовен, кай он-да си ценна. (Йов 34:19)

• Сикавел лен те овен букярне тай те отчшиен о кханиле навикя. (Пр 14:23; 20:1; 2Ко 7:1)

• Дел лен семейство пхралендар тай пхениендар, колесте иси баро дехиба. (Йоа 13:35; 1Йо 3:17, 18)

• Дел лен шукар надежда. (Пс 9:18; Иса 65:21-23)

Кизом-да пхаро те овел аменге, на требе те хас холи. (Иса 30:15) О Йехова ка дел амен давкха со требел аменге, ако тховас лескоро Тхагарипе ко първо тхан амаре животосте. (Мт 6:31-33)

ДИКХ О ВИДЕОКЛИПИ „О ДЕХИБА НИСАР НА ОТПЕРЕЛ, ДАЖЕ АКО... СИНЯН ЧОРО: КОНГО“ ТАЙ ОТГОВОРИНЕ ДАЛКХЕ ВЪПРОСИЕНДЕ:

• Сар о пхрала, колато бешен отхе, кате керен пес о регионална конгреся, сикавен гостоприемство кариг далкхенде, колато требе те пътувинен, за те овен ко конгреси?

• Со сикльовас таро клипи е Йеховаскере дехимнаске кариг о чоре?

• Сар ащи те овас сар о Йехова, независимо дали иси амен хари или по-бут?