И Библия пхенел аменге те икерас амен е по-пхуре християниенца, все едно си амаре дая тай дада, а е по-терненца все едно си амаре пхеня тай пхрала. (Четине 1 Тимотей 5:1, 2.) Най-бут о пхрала требе те овен внимателна далкхесте сар икерен пес е пхениенца тай те сикавен уважение кариг ленде.

Йекх пхрал нисар на требе те овел кхелавне якхенгоро или те традел десаве пхеня те чувствинел пес неудобно, кана ов си отхе. (Йов 31:1) Йекх бипрандеме пхрал на требе те дукхавел десаве бипрандеме пхеня, като традел ла те мислинел, кай мангел те пхирел ласа, въпреки кай на мангел наистина те керел давкха.

О старейшиня требе те шунен внимателно е пхениен, кана он пучен лен варесо или даже пхенен ленге варесо, колеске требе те иринен внимание. Он требе те мислинен сар те помагинен е пхениенге, колен нанай ром, ковато те защитинел лен. (Рут 2:8, 9)

ДИКХ О ВИДЕОКЛИПИ „СИКАВ ДЕХИБА, КОВАТО НА ОТПЕРЕЛ, АНДО СБОРИ — КАРИГ О ВДОВИЦЕС ТАЙ О ЧШАВЕ БИ РОДИТЕЛЕНГЕРЕ“ ТАЙ ОТГОВОРИНЕ ДАЛКХЕ ВЪПРОСИЕНДЕ:

• Сар о пхрала тай о пхеня тари кхангери сикавде баро дехиба кариг и пхен Минт?

• Сар о дехиба, ковато сикавде о пхрала тай о пхеня тари кхангери, диняс е манушен таро гав шукар свидетелство?

• Сар о дехиба, ковато сикавде о пхрала тай о пхеня тари кхангери, насърчингяс е пхенякере чшайен?

Сар ащи те сикавес дехиба тай загриженост кариг о пхеня тере кхангерятар?