О пхрала мислинен бут саве те овен о примерна разговоря тай бут вестителя дикхен, кай он си полезна отхе, кате проповединен. Ама секоне държавате о животос си различно. Адалкхеске о вестителя ащи коркоре те решинен сар те захоратинен е манушен ки служба тай саве букиенге те хоратинен, колато ка овен интересна е манушенге отхе, кате проповединен. Ама кана иси кампаня, саворе требе те керас давкха со пхенен аменге о пхрала. Аме мангас те керас и бути, която диняс амен о Исусес те проповединас и лачши новина е Тхагарипнаске. (Мат. 24:14)

Кана керен пе задачес ки кхангери, о вестителя требе те използвинен и тема таро примерно разговори тари „Програма е събраниеске Християнско животос тай служба“. Ама ако нанай авер напътствия, он ащи те избиринен различно въпроси, стихи, въпроси ко крайос или ситуация, която ка овел по-интересно е манушенге отхе, кате проповединен. Давкха променинел о напътствия тари програма е събраниеске таро масек юни 2020 г., 8 страница.