Презал о масек септември ка дас всичко амендар, за те пучас саворе манушен дали манген те изучинен и Библия, като използвинас и брошура „Шукар животос завинаги!“. О вестителя ащи те овен помощна пионеря, като керен 30 сахакя служба. Сар ка керас и специално кампания?

• Ко първо разговори: Използвине и последно страница тари брошура, за те ачшол е манушеске интересно тай сикав сар керен пес о библейска изучавания. Ма бистер далкхен, коленца хоратингян преди тай мангле те жанен по-бут тай далкхен, коленца често хоратинес е Библияке. Даже ако преди на мангле те изучинен и Библия, ащи те ачшол ленге интересно, кана дикхен сар керас о библейска изучавания амаре неве брошураса. На требе те мукас брошурес ко вудара или те бичшалас лен манушенге, колато на сикавде, кай манген те жанен по-бут. О пхрала таро Комитети е службаке анди кхангери ка решинен дали те овен по-бут сбиркес презал о масек септември тай кана те овен он.

• Со авер ащи те керас: Ако тумаре кхангеряте проповединен ки количка, тховен лате и брошура „Шукар животос завинаги!“. Пхен саворенге, колато манген те жанен по-бут, кай кана лен и брошура ащи те овен лен библейска урокя-да бипаренгоро. Бискай хоратинен, сикав сар керел пес о изучаване или пуч е манушес, кана ка овел леске удобно те сикавес леске давкха. О надзорники е службаке ащи те решинел десаве вестителя, колато си лачше проповедникя, те жан ко магазиня тумаре райониесте, за те пучен е манушен дали манген те изучинен и Библия. Ащи те пучес те колегиен тай е манушен, коленге проповединес неофициално, дали манген те изучинен и Библия.

О Исусес диняс амен и заповед те керас ученикиен, като сикавас лен. (Мт 28:19, 20) Нека кайка специално кампания те помагинел аменге те керас давкха, като използвинас о лил „Шукар животос завинаги!“.