О Йехова мангел о семейства те овен щастлива. (Пс 127:3-5; Ек 9:9; 11:9) Ама подекхана ащи те на овел амен радост, соскето иси амен холя или соскето саворе андо семейство подекхана керас грешкес. Со ащи те керел секо йекх амендар, за те овел радост лескере семействосте?

О ром сикавел, кай ценинел пе ромня. (1Пе 3:7) Ов дикхел те овел пе ромняса кизом ащи по-бут време. Ов на мангел латар букя, колато ой нащи керел, тай сикавел лаке, кай си благодарно саворе букиенге, колато ой керел за леске тай е семействоске. (Кол 3:15) Ов сикавел пи любов кариг лате тай хвалинел ла. (Пр 31:28, 31)

И ромни дикхел сар ащи те помагинел пе ромеске. (Пр 31:12) Ой шунел лес тай си жи лесте, кана ов лел десаво решение. (Кол 3:18) Ой сикавел уважение, кана хоратинел леса тай пхенел шукар букя за леске, кана хоратинел околенца. (Пр 31:26)

О дада тай о дая дикхен те овен пе чшавенца кизом ащи по-бут време. (Вт 6:6, 7) Он пхенен пе чшавенге, кай дехен лен. (Мт 3:17) Кана възпитинен лен, он сикавен любов тай дикхен ленгере думес те на дукхавен лен. (Еф 6:4)

О чшаве ценинен пе дадес тай пе дая тай шунен лен. (Пр 23:22) Он пхенен ленге по воги. О чшаве сикавен уважение кариг пе родителенде тай приеминен ленгере съвекя. (Пр 19:20)

ДИКХ О КЛИПИ „ДА ИЗПИТВАМЕ РАДОСТ В СЕМЕЙСТВОТО“ ТАЙ ОТГОВОРИНЕ КАЛКЕ ВЪПРОСИЕСКЕ:

• Со кергяс секо йекх таро семейство, за те овел лен радост?