„Духовно цел“ си всичко, ковато мангас те керас, за те служинас по-бут е Йеховаске тай колеске дас всичко амендар, за те успеинас те керас лес. Секо йекх духовно цел помагинел аменге те ачшовас по-лачше амала е Йеховаса тай те анес леске радост. Нисар нанай те ачшовас пишмани, кай диням амаро време тай силес салке букиенге. (1Ти 4:15) Соске требе често те мислинас со мангас те керас анди служба? Соскето амаро животос ащи те променинел пес. Може би преди манглям те керас десаве букя анди служба, ама вече нанай сар те керас лен. Или вече кергям о букя, колато манглям, тай акана ащи те мислинас со авер ащи те керас, за те служинас по-бут е Йеховаске.

Шукар си те мислинас со те керас, за те служинас по-бут е Йеховаске, англал те започнинел о нево служебно бреш. Например ко семейно поклонение ащи те решинас со ащи те керел секо йекх амендар тай со ащи те керас заедно сар семейство.

Саве калке букиендар мангес те керес по-лачшес тай со мислинес те керес, за те успеинес?